കടുത്തുരുത്തി എസ്എൻഡിപി യൂണിയന്റെ നേതൃത്വത്തിൽ ഡോ. പൽപ്പുവിന്റെ അനുസ്മരണവും, ആലുവ സർവ്വമത സമ്മേളനത്തിന്റെ ശതാബ്ദി ആഘോഷവും നടന്നു

24 Nov 2024 18:39 IST

Share News :

Strictly led by SNDP Union, Dr. Pappu's commemoration and centenary celebration of Aluva Ecclesiastical Conference were held

കടുത്തുരുത്തി :ന്യൂനപക്ഷത്തിന്റെ ആധിപത്യമാണ് ഇപ്പോൾ നടക്കുന്നത്. ഈഴവർ വോട്ട് കൊടുക്കുന്ന യന്ത്രങ്ങളായി മാറിയെന്നും എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. കടുത്തുരുത്തി എസ്എൻഡിപി യൂണിയന്റെ നേതൃത്വത്തിൽ ഡോ. പൽപ്പുവിന്റെ അനുസ്മരണവും, ആലുവ സർവ്വമത സമ്മേളനത്തിന്റെ ശതാബ്ദി ആഘോഷങ്ങളും, വിദ്യാഭ്യാസ അവാർഡ് വിതരണവും കടുത്തുരുത്തി ഗൗരിശങ്കരം ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മതശക്തികൾക്ക് അടിമയായി ഇന്നത്തെ രാഷ്ട്രീയം മാറിയെന്നും അദ്ദേഹം കൂട്ടിച്ചേർത്തു.

ജനാധിപത്യത്തിൽ നൂനപക്ഷത്തിൻ്റെ ആധിപത്യമാണ് നടക്കുന്നതെന്ന് വെള്ളാപ്പള്ളി നടേശൻ. നൂനപക്ഷങ്ങൾ പേര്

നോക്കി വോട്ടു ചെയ്യുമ്പോൾ ഈഴവരെല്ലാം ചിഹ്നം നോക്കിയാണ് വോട്ടു ചെയ്യുന്നത്, അതാണ് അവരുടെ അപജയത്തിന് കാരണമെന്നും, നായാടി മുതൽ നമ്പൂതിരി വരെ ഒന്നിച്ച് നിന്നിരുന്നെങ്കിൽ ഇന്ത്യൻ രാഷ്ടീയത്തിൻ്റെ ഗതി നിർണ്ണയിക്കുന്നത് വരെ അവരായിരുന്നേനെ എന്നും അദ്ദേഹം പറഞ്ഞു.എസ്.എൻ.ഡി.പി. യോഗം കടുത്തുരുത്തി യൂണിയൻ്റെ നേതൃത്വത്തിൽ ഡോ.പൽപ്പു അനുസ്‌മരണവും, ആലുവ സർവ്വമത സമ്മേളനത്തിന്റെ ശതാബ്ദി ആഘോഷങ്ങളും, വിദ്യാഭ്യാസ അവാർഡ് വിതരണവും നിർവഹിച്ചു പ്രസംഗിക്കുകയായിരുന്നു അദ്ദേഹം.

യൂണിയൻ അതിർത്തിയായ മാന്നാറിൽ നിന്നും യൂത്ത് മൂവ്മെൻ്റിൻ്റെ നേതൃത്വത്തിൽ ഇരുചക്ര വാഹനറാലിയോടെ വാദ്യ മേളങ്ങളുടെയും, മുദ്രാവാക്യ വിളികളോടെയുമാണ് ജനറൽ സെക്രട്ടറി വെള്ളാപ്പള്ളി നടേശനെ സമ്മേളന വേദിയിലേക്ക് സ്വീകരിച്ചത്.

സമ്മേളനത്തിൽ യൂണിയൻ പ്രഡിഡന്റ് എ.ഡി. പ്രസാദ് ആരിശ്ശേരിയിൽ അദ്ധ്യക്ഷത വഹിച്ചു. യൂണിയൻ സെക്രട്ടറി സി.എം ബാബു, യൂണിയൻ വൈസ് പ്രഡിഡന്റ് കെ.എസ് കിഷോർകുമാർ, ബോർഡ് അംഗം റ്റി.സി.ബൈജു , യൂണിയൻ കൗൺസിലർമാരായ എം എസ് സന്തോഷ്, വി.പി. ബാബു വടക്കേക്കര, ജയൻ പ്രസാദ് മേമുറി, രാജൻ കപ്പിലാംകൂട്ടം, എം.ഡി. ശശിധരൻ, എൻ. ശിവാനന്ദൻ, യുത്ത്മൂവ്മെന്റ് പ്രസിഡന്റ് ഹരികൃഷ്ണൻ, സെക്രട്ടറി ധനേഷ് കെ വി, വനിതാ സംഘം പ്രസിഡന്റ് സുധാ മോഹൻ, സെക്രട്ടറി ജഗദമ്മ തമ്പി, എംപ്ലോയീസ് ഫോറം പ്രസിഡന്റ് അനിൽകുമാർ, വൈദിക സമിതി സെക്രട്ടറി അഖിൽ ശാന്തി എന്നിവർ പ്രസംഗിച്ചു. എസ്.എൻ.ഡി.പി. യോഗം കൗൺസിലർ പി ടി മന്മഥൻ ആമുഖ പ്രസംഗം നടത്തി.