ജനാധിപത്യത്തിന്റെ കയ്യൊപ്പ്: തിരൂരങ്ങാടിയിൽ ഒപ്പ് ശേഖരണത്തിന് തുടക്കമായി

01 Oct 2025 10:50 IST

Share News :

Signature of Democracy: Signature Collection Begins at Tirurangadi

തിരൂരങ്ങാടി : 'ജനാധിപത്യം മോഷ്ടിച്ച കേന്ദ്രസർക്കാരും, വോട്ട് മോഷണത്തിന് പിന്തുണ നൽകുന്ന തിരഞ്ഞെടുപ്പ് കമ്മീഷനും ഇന്ത്യൻ ഭരണഘടന ശത്രുക്കൾ' എന്ന മുദ്രാവാക്യമുയർത്തി കോൺഗ്രസ് കമ്മിറ്റി നടത്തുന്ന 'ജനാധിപത്യത്തിന്റെ കയ്യൊപ്പ്' (സിഗ്നേച്ചർ ക്യാമ്പയിൻ) തിരൂരങ്ങാടി മണ്ഡലം തല ഉദ്ഘാടനം കക്കാട്ട് അങ്ങാടിയിൽ നടന്നു.

കെപിസിസി സെക്രട്ടറി മജീദ് ഹാജി ക്യാമ്പയിൻ ഉദ്ഘാടനം ചെയ്തു. ഇന്ത്യൻ ഭരണഘടനയെ സംരക്ഷിക്കേണ്ടതിന്റെ പ്രാധാന്യം അദ്ദേഹം ഊന്നിപ്പറഞ്ഞു. മണ്ഡലം പ്രസിഡണ്ട് സലിം ചുള്ളിപ്പാറ അധ്യക്ഷത വഹിച്ച യോഗത്തിൽ, തിരൂരങ്ങാടി ബ്ലോക്ക് കോൺഗ്രസ് പ്രസിഡണ്ട് മോഹൻ വെന്നിയൂർ മുഖ്യപ്രഭാഷണം നടത്തി. അദ്ദേഹം കേന്ദ്ര സർക്കാരിന്റെയും തിരഞ്ഞെടുപ്പ് കമ്മീഷന്റെയും നടപടികളെ നിശിതമായി വിമർശിച്ചു.

ഷംസുദ്ദീൻ മച്ചിങ്ങൽ, കരീം തെങ്ങിലകത്ത്, കദീജ പൈനാട്ട്, റഷീദ് വടക്കൻ, സി സി നാസർ, സി വി ഹനീഫ, ഷൗക്കത്ത് പറമ്പിൽ, മുജീബ് വെന്നിയൂർ, നസ്രുള്ള തിരൂരങ്ങാടി, അഷ്റഫ് മാനരിക്കൽ, മഹ്ബൂബ് കെ വി, രവീന്ദ്രൻ മുള മുക്കിൽ, സമീർ എ ടി, ശബീർ കക്കാട്, മുജീബ് ഒ എം ആർ തുടങ്ങിയ കോൺഗ്രസ് നേതാക്കൾ പരിപാടിയിൽ സംസാരിച്ചു. കേന്ദ്രസർക്കാരിന്റെ ജനാധിപത്യവിരുദ്ധ നീക്കങ്ങൾക്കെതിരെ ജനകീയ പ്രതിഷേധം ശക്തിപ്പെടുത്തുന്നതിന്റെ ഭാഗമായാണ് സിഗ്നേച്ചർ ക്യാമ്പയിൻ സംഘടിപ്പിക്കുന്നത്

Tags:

enlightmedia,malayalamnews,kerala,latestnews