Qatar Airways bans passengers from taking pagers and walkie talkies on flights from Beirut.

ബെയ്റൂത്തിൽ നിന്നുള്ള യാത്രക്കാർക്ക് വിമാനത്തിൽ പേജറുകളും വാക്കി ടോക്കികളും കൊണ്ടുപോകുന്നതിന് വിലക്കേർപ്പെടുത്തി ഖത്തർ എയർവേയ്‌സ്.

20 Sep 2024 15:47 IST

Share News :

Qatar Airways bans passengers from taking pagers and walkie talkies on flights from Beirut.

ദോഹ: ബെയ്റൂത്തിലെ റഫീഖ് ഹരിരി ഇൻ്റർനാഷണൽ എയർപോർട്ടിൽ നിന്ന് പറക്കുന്ന യാത്രക്കാരുടെ പേജറുകളും വാക്കി ടോക്കികളും ഉടൻ നിരോധിക്കുന്നതായി ഖത്തർ എയർവേയ്‌സ്.

ലബനാനിലെ പൊട്ടിത്തെറിക്കു പിറകെയാണ് ബെയ്റൂത്ത് വിമാനത്താവളത്തിൽ നിന്നുള്ള യാത്രക്കാർ പേജർ, വാക്കി ടോക്കി ഉപകരണങ്ങൾ കരുതുന്നത് വിലക്കി ഖത്തർ എയർവേസ് നിർദേശം നൽകിയത്. നിർദേശം വ്യാഴാഴ്ച തന്നെ പ്രാബല്യത്തിൽ വന്നതായി ഖത്തർ എയർവേസ് അറിയിച്ചു.

ലബനാൻ സിവിൽ ഏവിയേഷൻ വിഭാഗത്തിന്റെ നിർദേശത്തെത്തുടർന്നാണ് യാത്രക്കാർ പേജർ, വാക്കി ടോക്കി ഉപകരണങ്ങൾ കരുതുന്നത് വിലക്കിയത്. യാത്രക്കാരുടെ കൈവശമോ, ഹാൻഡ് ലഗേജിലോ, കാർഗോയിലോ ഇവ അനുവദിക്കില്ലെന്ന് അധികൃതർ അറിയിച്ചു. മറ്റൊരു അറിയിപ്പുണ്ടാവുന്നത് വരെ നിരോധനം തുടരും.

സമീപകാല സൈബർ ആക്രമണങ്ങളുമായി ബന്ധപ്പെട്ട് പേജറുകളുടെയും വാക്കി-ടോക്കികളുടെയും സ്ഫോടനങ്ങൾക്ക് പ്രതികരണമായി, ലബനീസ് ഡയറക്ടർ ജനറൽ ഓഫ് സിവിൽ ഏവിയേഷൻ അത്തരം ഉപകരണങ്ങൾ വിമാനത്തിൽ കൊണ്ടുപോകുന്നതിന് നിരോധനം ഏർപ്പെടുത്തിയതായും ലബനീസ് മാധ്യമങ്ങൾ റിപ്പോർട്ട് ചെയ്യുന്നു.