കുട്ടികൾക്ക് ഫലവൃക്ഷ തൈകളുമായി സ്കൂളിലേക്ക് അതിഥിയായി പഞ്ചാബ് പ്രതിനിധികൾ

31 Jan 2025 10:54 IST

Saifuddin Rocky

Share News :

Punjab delegates as guests to school with fruit tree saplings for children

കൊണ്ടോട്ടി : വിദ്യാർഥികൾക്ക് പരിസ്‌ഥിതി പ്രാധാന്യം മനസ്സിലാക്കി നൽകാനും,

പരമാവധി ഫലവൃക്ഷങ്ങൾ നട്ടു പിടിപ്പിക്കുന്നതിന്റെ പ്രാധാന്യം നേരിൽ

പറയാനുമായി അന്താരാഷ്ട്ര സൈക്ലിസ്റ്റും ,പഞ്ചാബ്

പൊലീസിലെ ഉയർന്ന ഉദ്യോഗ സ്ഥനും,എഴുത്തുകാ രനും ,സിനിമാ തിരക്കഥാകൃത്തും, കവിയുമായ

സമൻ ദീപ് മൈക്കിൾ , പഞ്ചാബിലെ സാമൂഹിക പ്രവർത്തകനും ഫോക്ക് ഡാൻസറുമായ രൺജോദ് സിംഗ് എന്നിവർ കൊണ്ടോട്ടി ഇ.എം.ഇ. എ ഹയർ സെക്കൻഡറി സ്കൂളിൽ എത്തി.

നേരത്തെ 8 സംസ്ഥാനങ്ങളിൽ സൈക്കിൾ വഴി സന്ദർശനം നടത്തിയ സമയത്ത് പൊതു ഇടങ്ങളിൽ ഫലവൃക്ഷങ്ങൾ നട്ടു പിടിപ്പിക്കുന്നതിന്റെ പ്രാധാന്യത്തെ കുറിച്ചു സംസാരിക്കുകയും ,പൊതു ഇടങ്ങളിൽ

ഫലവൃക്ഷങ്ങൾ നട്ടു പിടിപ്പിക്കുകയും ചെയ്തിരുന്നു. ഇന്നലെ സ്കൂളിൽ നട്ടതടക്കം 20000 വൃക്ഷതൈകളാണ് നട്ടുപിടിപ്പിച്ചത്. ഇനി വരും ദിവസങ്ങളിൽ ഇന്ത്യയിലെ വിവിധ സംസ്ഥാനങ്ങളിലെ വിദ്യാലയങ്ങളിൽ ഈ സന്ദേശവുമായി പോകുമെന്നും അവർ അറിയിച്ചു.

വൃക്ഷ തൈ നട്ട് നല്ല രീതിയില്‍ പരിപാലിക്കുന്ന സ്‌കൂളുകള്‍ക്ക് ഇവരുടെ നേതൃത്വത്തില്‍ പ്രത്യേക പാരിതോഷികം നല്‍കുമെന്നും ,5 വർഷങ്ങൾക്ക് ശേഷം ഫലവൃക്ഷങ്ങൾ നട്ടു പിടിപ്പിച്ച സ്കൂളിൽ വീണ്ടും സന്ദർശനം നടത്തി പുരോഗതി നിരീക്ഷണം നടത്തുമെന്നും അവർ പറഞ്ഞു.

സന്ദർശനത്തിനിടെ മലബാറിനെയും,മാപ്പിള കലകളെയും കുറിച്ചു നേരിൽ കണ്ടു പഠിക്കാൻ കാലിക്കറ്റ് യൂണിവേഴ്‌സിറ്റി സി സോൺ കലോത്സവനഗരിയിൽ സന്ദർശനം നടത്തുകയും ചെയതിരുന്നു .കേരള സംസ്കാരവും, മനുഷ്യ സ്നേഹവും ലോകത്തിനു മാതൃകയാ ണെന്നും ,അതിനെക്കുറിച്ചു കൂടുതൽ പഠിക്കാനാണ് ആഗ്രഹമെന്നും പരിപാടിക്കിടെ

സമൻ ദീപ് മൈക്കിൾ പറഞ്ഞു.സ്കൂളിൽ സ്പീക്ക് ഈസി ക്ലബ്ബിന്റെ നേതൃത്വത്തിൽ ഹെഡ്മാസ്റ്റർ പി. ടി ഇസ്മായിൽ, കെ.എം.ഇസ്മായിൽ,സി. വി. സലീന, അബ്ദുൽ റഫീഖ് പി.എം ,വസീം അഹ്‌സാൻ. പി കെ,

ജുമാന കെ, നവാസ് ശരീഫ് ,എൻ.വി. ഹനീഫ, സയിദ് സമാൻ കെ, എം.എ.അബ്ദുൽ ഖാദർ , മുഹമ്മദ് മർസൂക്ക്,

ഹബീബുള്ള കൈതക്കോട്, ഫസൽ കരീം,വിദ്യാർത്ഥികളായ

അനന്യ .കെ ,നിവേദിയ യു.കെ,നോഷി കെ ,ഹാദിയ നസ്രിൻ,സൻഹ. കെ.കെ, മിൻഹ. കെ.ടി എന്നിവർ അതിഥികളെ സ്വീകരിച്ചു.

ഫോട്ടോ :സ്കൂളിലേക്ക് നൽകിയ റമ്പുട്ടാൻ ഫലവൃക്ഷ തൈകൾ കുട്ടികൾ സ്വീകരിക്കുന്നു.