'Malhar 2024' welcome group formed.

ദോഹ: ഖത്തറിൽ മലപ്പുറം ജില്ലയിൽ നിന്നുള്ള പ്രവാസികളുടെ പ്രഥമ കൂട്ടായ്മയായ ഡയസ്പോറ ഓഫ് മലപ്പുറം (ഡോം ഖത്തർ) മലപ്പുറം ജില്ലാ പിറവി ദിനത്തോട് ബന്ധപ്പെട്ട് സംഘടിപ്പിക്കുന്ന പൊതു പരിപാടി 'മൽഹാർ 2024' ന് വേണ്ടി സ്വാഗത സംഘം രൂപീകരിച്ചു.

മൂന്നാം പെരുന്നാൾ ദിനത്തിൽ അബുഹമൂറിലെ ഐ.സി.സി അശോക ഹാളിൽ വൈകുന്നേരം നാല് മണി മുതലാണ് പരിപാടി ആരംഭിക്കുക.കൊല്ലം ഷാഫി നയിക്കുന്ന ഗാനമേളയും,മറ്റു കലാപരിപാടികളും അരങ്ങേറും. ഫിലിപ്പ് മമ്പാട് ചടങ്ങിൽ വിശിഷ്ടാതിഥിയായി പങ്കെടുക്കും.

സ്വാഗതസംഘം രൂപീകരണ ചടങ്ങിൽ ആസിം വെളിമണ്ണ മുഖ്യ അതിഥിയായി പങ്കെടുത്തു.

ആസിം വെളിമണ്ണ ഫൗണ്ടേഷന് വേണ്ടി ഡോമിന്റെ പേരിൽ അരലക്ഷം രൂപ വിലവരുന്ന ഒരു ഇലക്ട്രിക് വീൽ ചെയർ നൽകാമെന്ന് ചടങ്ങിൽ ഡോം പ്രസിഡന്റ് ഉസ്മാൻ കല്ലൻ പ്രഖ്യാപിച്ചു.

സ്വാഗതസംഘം മുഖ്യ രക്ഷാധികാരിയായി മാടപ്പാട്ട് അബൂബക്കർ സഫാരി, സ്വാഗതസംഘം ചെയർമാൻ ആസാദ് സീഷോർ, പ്രോഗ്രാം കമ്മറ്റി ചെയർമാൻ ഉസ്മാൻ കല്ലൻ, ജനറൽ കൺവീനർ സിദ്ദിഖ് ചെറുവല്ലൂർ, പ്രോഗ്രാം ഡയറക്ടർ മുഹമ്മദ് അബി ചുങ്കത്തറ, അസിസ്റ്റന്റ് ഡയറക്ടർ ഷംല ജഹ്ഫർ, ത്വയ്യിബ് പുലാമന്തോൾ, ഫിനാൻസ് ചെയർമാൻ സിദ്ദിഖ് വാഴക്കാട്, ഫിനാൻസ് ജനറൽ കൺവീനർ രതീഷ് കക്കോവ്,ഹോസ്പിറ്റാലിറ്റി ചെയർമാൻ മശൂദ് തിരുത്തിയാട്, ജനറൽ കൺവീനർ സൗമ്യ പ്രദീപ്. വളണ്ടിയർ ചെയർമാൻ നിസാർ താനൂർ, ജനറൽ കൺവീനർ യൂസുഫ് പാറാപറമ്പിൽ, മീഡിയ വിംഗ് ചെയർമാൻ നൗഫൽ കട്ടുപ്പാറ, ജനറൽ കൺവീനർ മുഹ്സിന സമീൽ, ഫുഡ് കമ്മിറ്റി ചെയർമാൻ ഉണ്ണി മോയിൻ കീഴുപറമ്പ്, ജനറൽ കൺവീനർ നിയാസ് കൈപ്പേങ്ങൽ, സ്റ്റുഡൻസ് വിംഗ് ചെയർപേഴ്സൺ നബ്ഷ മുജീബ് എടയൂർ, ജനറൽ കൺവീനർ അനീസ് മമ്പാട്, ചീഫ് കോർഡിനേറ്റർ മൂസ താനൂർ അടക്കം നൂറ്റി ഒന്ന് അംഗ സ്വാഗത സംഘം രൂപീകരിച്ചു.

സ്വാഗതസംഘം രൂപീകരണ ചടങ്ങിന് മൂസ താനൂർ സ്വാഗതം പറഞ്ഞു. ഉസ്മാൻ കല്ലൻ യോഗത്തിന് അദ്ധ്യക്ഷത വഹിച്ചു. മശൂദ് തിരുത്തിയാട് യോഗം ഉദ്ഘാടനം ചെയ്തു സംസാരിച്ചു. എം.ടി നിലമ്പൂർ, ബിജേഷ് പൊന്നാനി, അഷ്റഫ് മമ്പാട്, ഷഹനാസ് ബാബു, മൈമൂന സൈനുദ്ദീൻ, റസിയ ഉസ്മാൻ തുടങ്ങിയവർ ആശംസകൾ അർപ്പിച്ചു സംസാരിച്ചു.രതീഷ് കക്കോവ് നന്ദിയും പറഞ്ഞു.

Tags: