Literacy fourth-grade and seventh-grade equivalency exams will be held on August 9 and 10

മലപ്പുറം : സംസ്ഥാന സാക്ഷരതാമിഷന്‍ നടത്തുന്ന നാലാംതരം, എഴാംതരം തുല്യതാ പരീക്ഷകള്‍ 2025 ആഗസ്റ്റ് ഒന്‍പതിന് ആരംഭിക്കും. ജില്ലയില്‍ 17 കേന്ദ്രങ്ങളിലാണ് ഏഴാംതരം തുല്യതാ പരീക്ഷ നടക്കുന്നത്. ജില്ലയില്‍ 249 പേരാണ് പരീക്ഷ എഴുതുന്നത്. ഇതില്‍ 128 പുരുഷന്‍മാരും, 121 സ്ത്രീകളും 23 പട്ടിക ജാതിക്കാരും നാല് പട്ടിക വര്‍ഗക്കാരും ഉള്‍പ്പെടും.

ആതവനാട് ഗ്രാമപഞ്ചായത്തിലെ 71 വയസ്സായ കുഞ്ഞായിഷയാണ് പ്രായം കൂടിയ പഠിതാവ്. മലപ്പുറം ജില്ലയില്‍ 13 കേന്ദ്രങ്ങളിലാണ് നാലാംതരം തുല്യതാ പരീക്ഷ ആഗസ്റ്റ് 10ന് നടക്കുന്നത്. ജില്ലയില്‍ 84 പേരാണ് പരീക്ഷ എഴുതുന്നത്. ഇതില്‍ 41 പുരുഷന്‍മാരും, 43 സ്ത്രീകളും 13 പട്ടിക ജാതിക്കാരും രണ്ട് പട്ടിക വര്‍ഗക്കാരും ഉള്‍പ്പെടും. വള്ളിക്കുന്ന് ഗ്രാമപഞ്ചായത്തിലെ 75 വയസ്സായ അയ്യപ്പന്‍ ആണ് പ്രായം കൂടിയ പഠിതാവ്.

മലപ്പുറം ജില്ലയിലെ ആറ് കേന്ദ്രങ്ങളിൽ സാക്ഷരതാ (സോഫ്റ്റ് വെയര്‍ 6-ാം ബാച്ച്) പൊതുപരീക്ഷ (മികവുത്സവം) ആഗസ്റ്റ് 10ന് നടക്കും. ജില്ലയില്‍ 94 പേരാണ് പരീക്ഷ എഴുതുന്നത്. ഇതില്‍ 41 പുരുഷന്‍മാരും 55 സ്ത്രീകളും 14 പട്ടിക ജാതി വിഭാഗക്കാരും ഉള്‍പ്പെടും. 75 വയസ്സായ അബ്ദുറഹിമാന്‍ കാവുങ്ങല്‍, കെ.പി. വസന്ത എന്നീ പഠിതാക്കളാണ് പ്രായം കൂടിയ പഠിതാക്കള്‍. വീട്ടമ്മമാര്‍, മതപഠന അധ്യാപകര്‍, തുടങ്ങി സമൂഹത്തിലെ വിവിധ മേഖലകളിലുള്ളവര്‍ പരീക്ഷ എഴുതുന്നുണ്ട്.

Tags:

enlightmedia,malayalamnews,kerala,latestnews