KUVILANGADU sub district school KALOZHAVAM NAZRATHIL D POL school

കടുത്തുരുത്തി :കുറവിലങ്ങാട് ഉപജില്ല സ്കൂൾ കലോത്സവം നവംബർ 13, 19, 20, 21 തീയതികളിൽ കുറവിലങ്ങാട് നസ്രത്ത് ഹിൽ ഡി പോൾ ഹയർ സെക്കൻഡറി സ്കൂൾ,

കളത്തൂർ സെന്റ് മേരീസ്എൽ പി സ്കൂൾ,

ഗവൺമെന്റ് യുപി സ്കൂൾ കളത്തൂർ എന്നിവിടങ്ങളിലായി നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു.

കടുത്തുരുത്തി, വൈക്കം നിയോജകമണ്ഡലങ്ങളിലെ 9 പഞ്ചായത്തുകളിൽ നിന്നുള്ള 103 സർക്കാർ എയ്ഡഡ് സ്കൂളുകളിലെ വിദ്യാർത്ഥികളാണ് കലോത്സവത്തിൽ മാറ്റുരയ്ക്കുന്നത്. 251 ഇനങ്ങളിലാണ് മത്സരങ്ങൾ നടക്കുക. 3 സ്കൂളുകളിലായി 13 വേദികളിലാണ് ക്രമീകരിച്ചിരിക്കുന്നത്.

നവംബർ 13-ാം തീയതി രചനാ മത്സരങ്ങളും 19 ,20, 21 വരെ തീയതികളിൽ വിവിധ സ്റ്റേജ് ഇനങ്ങളുമാണ് നടക്കുക. ഇത്തവണ പണിയനൃത്തം, ഇരുള നൃത്തം, മലപ്പുലയ ആട്ടം എന്നീ ഗോത്ര കലകളും മത്സര ഇനങ്ങളായി ഉൾപ്പെടുത്തിയിട്ടുണ്ട്.

13-ാം തീയതി (ചൊവ്വാ) രാവിലെ 9.30 ന് നസ്രത്ത് ഡി പോൾ ഹയർ സെക്കൻഡറി സ്കൂളിൽ നടക്കുന്ന സമ്മേളനം അഡ്വക്കേറ്റ് മോൻസ് ജോസഫ് എംഎൽഎ ഉദ്ഘാടനം ചെയ്യും. നടനും സംവിധായകനുമായ ദിലീഷ് പോത്തൻ കലാമേളയുടെ ഉദ്ഘാടനം നിർവഹിക്കും. 21ന് വൈകുന്നേരം നടക്കുന്ന സമാപന സമ്മേളനം സി കെ ആശ എംഎൽഎ ഉദ്ഘാടനം ചെയ്യും.

കലാമേളയുടെ നടത്തിപ്പിനായി വിവിധ കമ്മറ്റികൾ രൂപീകരിച്ച പ്രവർത്തനം ആരംഭിച്ചതായി സംഘാടകസമിതി ചെയർപേഴ്സണ് കുറവിലങ്ങാട് ഗ്രാമപഞ്ചായത്ത് പ്രസിഡണ്ടുമായ മിനി മത്തായി, ഉപജില്ല വിദ്യാഭ്യാസ ഓഫീസർ ഡോ. കെ ആർ ബിന്ദുജി, ജനറൽ കൺവീനർ ഫാ. ഡിനിൽ ജോൺ പുല്ലാട്ട് എന്നിവർ

വാർത്താസമ്മേളനത്തിൽ അറിയിച്ചു.

വിവിധ കമ്മിറ്റി കൺവീനർമാരായ സിൻസി മാത്യു, രാജു വി എം, അനീഷ് തോമസ്, ഹെഡ്മാസ്റ്റേഴ്സ് ഫോറം സെക്രട്ടറി പ്രകാശൻ കെ, തുടങ്ങിയവരും വാർത്താസമ്മേളനത്തിൽ പങ്കെടുത്തു

Tags: