Kundungal School Football Academy inaugurated the training camp.

കോഴിക്കോട് : കുണ്ടുങ്ങൽ സ്കൂൾ ഫുട്ബോൾ അക്കാദമിയുടെ പരിശീലന ക്യാമ്പ് തെക്കേപ്പുറം പ്രവാസി ഫുട്ബോൾ അസോസിയേഷൻ ( TEFA ) ജനറൽ സെക്രട്ടറി യൂനുസ് പി വി ഉദ്ഘാടനം ചെയ്തു.

ഈ ഫുട്ബോൾ അക്കാദമിയിലൂടെ ഭാവിയിലേക്കുള്ള മികച്ച ഫുട്ബോൾ താരങ്ങളെ വളർത്തിയെടുക്കുവാൻ തെക്കേ പ്രവാസി ഫുട്ബോൾ അസോസിയേഷൻ പ്രതിജ്ഞാബദ്ധമാണെന്ന് ജനറൽ സെക്രട്ടറി പ്രത്യാശ പ്രകടിപ്പിച്ചു.

അക്കാദമിയിൽ കുട്ടികൾക്ക് വേണ്ട പരിശീലനം , ഗ്രൗണ്ട് നവീകരണവും ടെഫയുടെ നേതൃത്വത്തിൽ നൽകുന്നതാണെന്നും സെക്രട്ടറി പറഞ്ഞു.

കുണ്ടുങ്ങൽ പ്രദേശത്തെ സ്കൂൾ കുട്ടികളുടെ അഭിരുചിക്ക് അനുസരിച്ച് അവിടുത്തെ പിടിഎ യും സ്കൂൾ അധികൃതരും ചേർന്നാണ് ഫുട്ബോൾ അക്കാഡമി രൂപീകരിച്ചത്. ഔദ്യോഗിക ഉദ്ഘാടനം കേരള പോലീസ് ഫുട്ബോൾ താരം പി ടി മെഹബൂബ് കഴിഞ്ഞ മാർച്ച് മാസത്തിൽ നിർവ്വഹിച്ചിരുന്നു.

ഇന്ന് നടന്ന ചടങ്ങിൽ ടെഫ ട്രഷറർ ഹാഷിം കടാക്കലകം, കുണ്ടുങ്ങൽ റസിഡൻസ് അസോസിയേഷൻ പ്രസിഡൻറ് അബ്ദുള്ളക്കോയ, സ്കൂൾ ഹെഡ്മാസ്റ്റർ

മോഹനൻ എം.പി, പി ടി എ പ്രസഡൻറ് സെയ്തുമുഹമ്മദ് എം.പി, ഫുട്ബോൾ അക്കാദമി ചെയർമാൻ അബ്ദുൾ കലാം ആസാദ്,പി ടി എ വൈസ് പ്രസിഡന്റ അബ്ദുറഹ്മാൻ സി പി, എസ് എസ് ജി കൺവീനർ അസ്സൻ കോയ സി പി,എസ് എം സി കൺവീനർ മൻസൂർ എം.പി, ഇസ്ഹാക്ക് കെ.വി, ഉമ്മർ കോയ എന്നിവർ ആശംസ പ്രസംഗം നടത്തി. സ്കൂൾ അധ്യാപകനും അക്കാഡമി കൺവീനറുമായ ദാസൻ വി.പി നന്ദിയും പറഞ്ഞു.

Tags:

Kundungal School Football Academy