Insulting womanhood, the police filed a case against Shaji Mon George, a non-resident businessman from Manjur.

സ്ത്രീത്വത്തെ അപമാനിച്ചു, മാഞ്ഞൂരിലെ പ്രവാസി വ്യവസായി ഷാജി മോൻ ജോർജിനെതിരെ പോലീസ് കേസെടുത്തു.

14 May 2024 17:08 IST

Share News :

Insulting womanhood, the police filed a case against Shaji Mon George, a non-resident businessman from Manjur.

വൈക്കം : പുറമ്പോക്ക് ഭൂമിയിലെ കരിഞ്ഞ പ്ലാവിനെ ചൊല്ലിയുണ്ടായ തർക്കത്തെ തുടർന്ന് പരിസ്ഥിതി പ്രവർത്തക പ്രൊഫസർ കുസുമം ജോസഫിൻ്റെ പരാതിയിൽ മാഞ്ഞൂരിലെ പ്രവാസി വ്യവസായി ഷാജി മോൻ ജോർജിനെതിരെ പോലീസ് കേസെടുത്തു. സ്ത്രീത്വത്തെ അപമാനിച്ചു എന്ന പരാതിയിലാണ് കടുത്തുരുത്തി പോലീസ് കേസെടുത്തത്. ഇന്നലെ ഷാജിമോന്റെ സ്ഥാപനമായ ബിസാ ക്ലബ്ബിന് മുന്നിൽ സമരം നടത്താനുള്ള പരിസ്ഥിതി പ്രവർത്തകരുടെ സമരം സംഘർഷത്തിലാണ് കലാശിച്ചത്.

പ്രൊഫസർ കുസുമം ജോസഫിന്റെ നേതൃത്വത്തിൽ ഷാജിമോന്റെ സ്ഥാപനത്തിന് മുൻപിൽ എത്തിയ പരിസ്ഥിതി പ്രവർത്തകരെ ഷാജിമോൻ ജോർജ്ജും സംഘവും തടഞ്ഞതോടെയാണ് ഇരുകൂട്ടരും തമ്മിൽ വാക്കു തർക്കം ഉണ്ടായത്. തുടർന്ന് പോലീസ് സംഘം എത്തിയാണ് രംഗം ശാന്തമാക്കിയത്.

ഷാജിമോൻ ഗുണ്ടയെപ്പോലെ പെരുമാറിയെന്ന് കുസുമം ജോസഫ് ആരോപിച്ചു. ആരുടെയോ കയ്യിൽ നിന്ന് പണം വാങ്ങി തന്റെ സ്ഥാപനത്തെ തകർക്കാനാണ് പരിസ്ഥിതി പ്രവർത്തകർ ശ്രമിക്കുന്നതെന്ന് ഷാജിമോൻ കുറ്റപ്പെടുത്തി. ഷാജി മോന്റെ സ്ഥാപനത്തിന് മുന്നിലെ റോഡിൽ പുറമ്പോക്ക് ഭൂമിയിൽ നിന്ന കൂറ്റൻ പ്ലാവ് മരം കരിഞ്ഞതിനെ ചൊല്ലിയുള്ള വിവാദമാണ് തർക്കത്തിന് വഴിയൊരുക്കിയത്.

Tags:

മാഞ്ഞൂരിലെ ഉണങ്ങിയ മരം സംബന്ധിച്ചുള്ള തർക്കം സ്ത്രീത്വത്തെ അപമാനിച്ചതിന് കേസ്.

More in Related News