Garbage Free Nava Keralam Campaign: Image Exhibition organized

മലപ്പുറം : മലപ്പുറം ജില്ലാ ശുചിത്വ മിഷന്റെ ആഭിമുഖ്യത്തില്‍ മാലിന്യമുക്തം നവകേരളം - സ്വച്ഛതാ ഹി സേവയുമായി ബന്ധപ്പെട്ട് സംഘടിപ്പിച്ച ജില്ലാതല ചിത്രരചനാ മത്സരത്തിലെ തെരഞ്ഞെടുക്കപ്പെട്ട ചിത്രങ്ങളുടെ പ്രദര്‍ശനം മലപ്പുറം എ.യു.പി. സ്‌കൂളില്‍ ജില്ലാ കളക്ടര്‍ വി.ആര്‍.വിനോദ് ഉദ്ഘാടനം ചെയ്തു.

മാലിന്യമുക്തം നവകേരളം ക്യാമ്പയിനിന്റെ ഭാഗമായി വിദ്യാര്‍ത്ഥികളില്‍ ശുചിത്വ ശീലം വളര്‍ത്തിയെടുക്കുന്നതിനും മാലിന്യ സംസ്‌കരണത്തെക്കുറിച്ചുള്ള അവബോധം സൃഷ്ടിക്കുന്നതിനും വേണ്ടിയാണ് പ്രദര്‍ശനം സംഘടിപ്പിച്ചത്. പാഴ്‌വസ്തുക്കള്‍ ഉറവിടത്തില്‍ തരം തിരിക്കുക, ജൈവ മാലിന്യം സ്വന്തം നിലയില്‍ സംസ്‌കരിക്കുക,അജൈവ മാലിന്യം ഹരിതകര്‍മ്മ സേനക്ക് കൈമാറുക, ഹരിതച്ചട്ടം പാലിച്ചുകൊണ്ട് മാലിന്യോല്‍പാദനം കുറക്കുക, അതുവഴി നമ്മുടെ പരിസരവും ജലാശയങ്ങളും മനോഹരമായി നിലനിര്‍ത്തുക എന്നീ സന്ദേശങ്ങളാണ് ചിത്രങ്ങളില്‍ ഉള്ളത്. പ്രദര്‍ശനത്തിന്റെ ഭാഗമായി ജി.എല്‍.പി.എസ്.മാങ്ങാട്ടിരിയിലെ വിദ്യാര്‍ഥികള്‍ അവതരിപ്പിച്ച ഫ്‌ളാഷ് മോബും അരങ്ങേറി.ജില്ലയിലെ വിവിധ വിദ്യാലയങ്ങളിൽ പ്രദർശനങ്ങൾ നടക്കും.

മാങ്ങാട്ടിരി ജി എൽ പി സ്കൂളിലെ അധ്യാപകരും പി ടി എ പ്രതിനിധികളും വിദ്യാർത്ഥികളും ചടങ്ങിൽ സംബന്ധിച്ചു. സ്കൂളിലെ വിദ്യാർത്ഥി വിദ്യാർത്ഥിനികൾ അവതരിപ്പിച്ച ഫ്ലാഷ് മോബ് ചടങ്ങിന് മറ്റേകി. ജില്ലാ ശുചിത്വ മിഷൻ കോ ഓർഡിനേറ്റർ എ. ആതിര , അസിസ്റ്റന്റ് കോ ഓർഡിനേറ്റർ ടി. എസ്.അഖിലേഷ്, പ്രോഗ്രാം ഓഫീസർ കെ.സിറാജ്ജുദ്ധീൻ, ക്ലീൻ കേരള മാനേജർ കെ.മുജീബ്, മുഹമ്മദ്‌ സാലിഹ്, ഒ. പി മുബഷിറ തുടങ്ങിയവർ പങ്കെടുത്തു.

Tags:

enlightmedia,malayalamnews,kerala,latestnews