Filled with excitement, KP Rasheed Sahib Memorial Shoot Out Tournament.

ദോഹ: പ്രവാസലോകത്തെ കായിക പ്രേമികളിൽ കാൽപന്ത് കളിയാവേശം നിറച്ച് ഒന്നാമത് കെ.പി റഷീദ് സാഹിബ് മെമ്മോറിയൽ ഫുട്ബോൾ ഷൂട്ടൗട്ട് ടൂർണമെന്റ് സമാപിച്ചു. വെള്ളിയാഴ്ച വൈകിട്ട് കെ.എം.സി.സി ഖത്തർ കോട്ടക്കൽ മണ്ഡലത്തിന്റെ ആഭിമുഖ്യത്തിൽ അൽജസീറ അക്കാദമിയിൽ സംഘടിപ്പിച്ച ടൂർണമെന്റ് കെ.എം.സി.സി ഖത്തർ സീനിയർ വൈസ് പ്രസിഡന്റ് ഡോ. മുഹമ്മദ് കെ. ഈസ ഉദ്ഘാടനം ചെയ്തു. ഫാർ ഈസ്റ്റ് ട്രേഡിങ്ങ് സമ്മാനിക്കുന്ന വിന്നേഴ്സ് ട്രോഫി- പ്രൈസ് മണിക്കും ആൽഖലീജ് ചിപ്സ് സമ്മാനിക്കുന്ന റണ്ണേഴ്സ് ട്രോഫി- പ്രൈസ് മണിക്കും വേണ്ടിയുള്ള ടൂർണമെന്റിൽ ദോഹയിലെ 30-ളം ടീമുകൾ പങ്കെടുത്തു.

ടൂർണമെന്റിൽ കെ.എം.സി.സി പെരിന്തൽമണ്ണ മണ്ഡലം ഫുട്ബോൾ ടീം ചാമ്പ്യൻമാരായി. കെ.എം.സി.സി വള്ളിക്കുന്നു മണ്ഡലം ടീം റണ്ണേഴ്സപ്പായി. പരിപാടിയിൽ കെ.എം.സി.സി സംസ്ഥാന സെക്രട്ടറി അലിമൊറയൂർ, മലപ്പുറം ജില്ലാ പ്രസിഡന്റ് സവാദ് വെളിയംങ്കോട്, ജില്ലാ വൈസ് പ്രസിഡന്റ് ജബ്ബാർ പാലക്കൽ, ജില്ലാ സെക്രട്ടറി ഷംസീർ മാനു, അൽഖോർ ഏരിയ ട്രഷറർ പ്രശാന്ത് കോട്ടക്കൽ, കെ.എം.സി.സി സംസ്ഥാന ഐടി വിംഗ് ചെയർമാൻ ഫൈറൂസ് അബൂബക്കർ, സ്പോർട്സ് വിംഗ് ജനറൽ കൺവീനർ സിദ്ധീഖ് പറമ്പൻ, മീഡിയ വിംഗ് കൺവീനർ മദനി വളാഞ്ചേരി, ഫാർ ഈസ്റ്റ് എംഡി ജവാദ് തുടങ്ങിയവരും വിവിധ മണ്ഡലം മുനിസിപ്പൽ പഞ്ചായത്ത് നേതാക്കന്മാരും പങ്കെടുത്തു. കോട്ടക്കൽ മണ്ഡലം പ്രസിഡന്റ് അബൂ തയ്യിൽ അധ്യക്ഷത വഹിച്ചു. ജനറൽ സെക്രട്ടറി ഇബ്രാഹിം കല്ലിങ്ങൽ സ്വാഗതവും ട്രഷറർ ജാബിർ കൈനിക്കര നന്ദിയും പറഞ്ഞു.

Tags: