08 May 2024 08:40 IST
Share News :
കൊച്ചി: എറണാകുളം പെരുമ്പാവൂരിലെ രണ്ട് പഞ്ചായത്തുകളിൽ മഞ്ഞപ്പിത്തം പടരുന്നു. 180 പേർക്ക് ഇതുവരെ രോഗബാധ സ്ഥിരീകരിച്ചു. ജലത്തിൽ നിന്നാണ് രോഗം പടരുന്നതെന്ന് നാട്ടുകാർ ആരോപിച്ചു. ഇത്നാ സംമ്പന്ധിച്ച് നാട്ടുകാർ ചേർന്ന് ജലവിഭവ മന്ത്രിക്ക് പരാതി നൽകി.
രണ്ടാഴ്ച മുമ്പാണ് പെരുമ്പാവൂരിലെ വേങ്ങൂർ , മുടക്കുഴ പഞ്ചായത്തുകളിൽ മഞ്ഞപ്പിത്തം സ്ഥിരീകരിച്ചത്. പിന്നീട് ഇത് രണ്ടു പഞ്ചായത്തുകളിലായി വ്യാപിച്ചു. രോഗം സ്ഥിരീകരിച്ചവരിൽ അൻപതോളം പേർ വിവിധ ആശുപത്രികളിൽ ചികിത്സയിലാണ്.
ഭാരിച്ച ചികിത്സാ ചിലവ് ഉള്ളതിനാൽ പണം കണ്ടെത്താൻ പലരും ബുദ്ധിമുട്ടുകയാണെന്നും, പ്രാദേശിക സാമൂഹ്യദുരന്തമായി കണ്ട് ചികിത്സാ സഹായം നൽകണമെന്ന് ആവശ്യപ്പെട്ട് എൽദോസ് കുന്നപ്പിള്ളി എംഎൽഎ മുഖ്യമന്ത്രിക്ക് കത്ത് അയച്ചു
Follow us on :
Tags:
More in Related News
Please select your location.