'World of EMS' National Seminar on 13th and 14th June at Perinthalmanna

'ഇ എം എസിൻ്റെ ലോകം' ദേശീയ സെമിനാർ ജൂൺ 13, 14 തിയതികളിൽ പെരിന്തൽമണ്ണയിൽ

13 May 2024 22:14 IST

Share News :

'World of EMS' National Seminar on 13th and 14th June at Perinthalmanna

പെരിന്തൽമണ്ണ : 'ഇ എം എസിൻ്റെ ലോകം' ദേശീയ സെമിനാർ ജൂൺ 13, 14 തിയ്യതികളിൽ പെരിന്തൽമണ്ണ ഷിഫാ കൺവെൻഷൻ സെൻ്ററിൽ നടക്കും. സെമിനാറിൻ്റെ വിജയകരമായ നടത്തിപ്പിനായി 1001 അംഗ സ്വാഗത സംഘം രൂപീകരിച്ചു. രൂപവൽക്കരണകൺവെൻഷൻ സിപിഐ എം പൊളിറ്റ് ബ്യൂറോ അംഗം എ.വിജയരാഘവൻ ഉദ്ഘാടനം ചെയ്തു. സി പി ഐ എം ജില്ലാ സെക്രട്ടറി ഇ എൻ മോഹൻ ദാസ് അധ്യക്ഷനായി. കവി മണമ്പൂർ രാജൻ ബാബു സംസാരിച്ചു.വി. ശശികുമാർ സെമിനാർ പരിപാടികളെ കുറിച്ച് വിശദീകരിച്ചു.വി രമേശൻ സ്വാഗതസംഘം ഭാരവാഹികളുടെ പാനൽ അവതരിപ്പിച്ചു. ഇ രാജേഷ് സ്വാഗതവും കെ ശ്യാംപ്രസാദ് നന്ദിയും പറഞ്ഞു.

സ്വാഗത സംഘം ഭാരവാഹികൾ: വി ശശികുമാർ- ചെയർമാൻ.

വി രമേശൻ- ജനറൽ കൺവീനർ.

ഇ രാജേഷ്- ട്രഷറർ.

വിവിധ സബ് കമ്മിറ്റി ഭാരവാഹികളെയും തെരഞ്ഞെടുത്തു.

സി പി ഐ എം സംസ്ഥാന സെക്രട്ടേറിയറ്റ് അംഗം എം സ്വരാജ്, സംസ്ഥാന കമ്മിറ്റി അംഗങ്ങളായ പി.ശ്രീരാമകൃഷ്ണൻ, പി കെ സൈനബ, മുതിർന്ന സി പി ഐ എം നേതാക്കളായ പാലോളി മുഹമ്മദ് കുട്ടി, പി പി വാസുദേവൻ, അഡ്വ.ടി കെ ഹംസ, ജില്ലാ സെക്രട്ടേറിയറ്റ് അംഗങ്ങളായ വി പി അനിൽ, വി പി സക്കറിയ,വി എം ഷൗക്കത്ത്, അഡ്വ.കെ പി സുമതി, ജില്ലാ കമ്മിറ്റി അംഗങ്ങളായപി.രാധാകൃഷ്ണൻ, എം പി അലവി, വി ടി സോഫിയ, നഗരസഭാധ്യക്ഷൻ പി ഷാജി എന്നിവരും സന്നിഹിതരായി.

Tags: