03 Jun 2024 06:46 IST
Share News :
കോട്ടയം: പുതിയ അധ്യയനവർഷത്തെ വരവേൽക്കാൻ ജില്ലയിലെ സ്കൂളുകൾ ഒരുങ്ങി. ആദ്യമായി സ്കൂളുകളിലെത്തുന്ന കുരുന്നുകളെ വരവേൽക്കാൻ തയാറെടുപ്പുമായി അധ്യാപകരും വിദ്യാർഥികളും. മധുരം നൽകിയും ക്ലാസ് മുറികൾ വർണാഭമാക്കിയും ആട്ടവും പാട്ടുമായി നവാഗതരെ സ്വീകരിക്കാൻ പ്രൈമറി സ്കൂളുകൾ തയാറെടുത്തുകഴിഞ്ഞു. കഴിഞ്ഞ അധ്യയനവർഷം 8071 പേരാണ് ജില്ലയിലെ പൊതുവിദ്യാലയങ്ങളിൽ ഒന്നാം ക്ലാസിൽ ചേരാനെത്തിയത്.
പുതിയ അധ്യയന വർഷത്തിൽ ഇത് 10000 കടക്കുമെന്നാണ് അധികൃതർ പ്രതീക്ഷിക്കുന്നത്. ജില്ലതല സ്കൂൾ പ്രവേശനോത്സവം തിങ്കളാഴ്ച കുമരകം വൊക്കേഷണൽ ഹയർ സെക്കൻഡറി സ്കൂളിൽ രാവിലെ ഒമ്പതിന് മന്ത്രി വി.എൻ. വാസവൻ ഉദ്ഘാടനം ചെയ്യും. ജില്ല പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷത വഹിക്കും. ജില്ല പൊലീസ് മേധാവി കെ. കാർത്തിക് മുഖ്യപ്രഭാഷണം നടത്തും.
Follow us on :
Tags:
More in Related News
Please select your location.