Thrissur District Friendship Forum organised Vishu-Eid-Easter Sangam (Friendship Festival - 2025 ).

തൃശ്ശൂർ ജില്ലാ സൗഹൃദവേദി വിഷു-ഈദ്-ഈസ്റ്റർ സംഗമം (സൗഹൃദോത്സവം - 2025 ).

ദോഹ: തൃശ്ശൂർ ജില്ലാ സൗഹൃദവേദി സംഘടിപ്പിച്ച

ഈദ്, വിഷു, ഈസ്റ്റർ സംഗമം 'സൗഹൃദോത്സവം 2025', നൃത്തനൃത്ത്യങ്ങൾ, ഗാനങ്ങൾ, മുട്ടിപ്പാട്ട്, നാടൻ പാട്ടുകൾ, ഇൻസ്ട്രുമെൻ്റൽ മ്യൂസിക്ക് തുടങ്ങി കലാവിസ്മയങ്ങളുടെ ഒരു തൃശ്ശൂർ പൂരം തന്നെയായി മാറി. ദോഹയിലെ ഐ.സി.സി അശോക ഹാളിൽ അരങ്ങേറിയ പരിപാടിയിൽ സൗഹൃദ വേദിയുടെ കലാകാരന്മാരും കുടുംബാംഗങ്ങളും ചേർന്ന് അവിസ്മരണീയമാക്കിയ കലാസന്ധ്യക്ക് 350 ൽ പരം കലാ പ്രേമികൾ സാക്ഷ്യം വഹിച്ചു.

ഔദ്യോഗിക യോഗത്തിന് വേദി ജനറൽ സെക്രട്ടറി വിഷ്ണു ജയറാം സ്വാഗതം പറഞ്ഞു. വേദി പ്രസിഡന്റ് അബ്ദുൽ ഗഫൂർ അദ്ധ്യക്ഷത വഹിച്ചു. സൗഹൃദോൽസവം 2025 ന്റെ ഔദ്യോഗിക ഉൽഘാടനം ഐ.സി.സി പ്രസിഡൻ്റ് എ.പി മണികണ്ഠൻ നിർവഹിച്ചു. വേദിയുടെ വനിതാ കൂട്ടായ്മ അധ്യക്ഷ റജീന സലിം ആശംസകൾ അർപ്പിച്ചു. സൗഹൃദവേദി ട്രഷറർ മുഹമ്മദ് റാഫി, ടാക്ക് ഖത്തർ എംഡി മുഹ്സിൻ പറമ്പത്ത്, വേദി ജനറൽ കോഡിനേറ്റർ മുഹമ്മദ് മുസ്തഫ, കുടുബ സുരക്ഷാ പദ്ധതി ചെയർമാൻ പ്രമോദ് മൂന്നിനി, കാരുണ്യം പദ്ധതി ചെയർമാൻ ശ്രീനിവാസൻ കണ്ണത്ത് എന്നിവർ വേദിയിൽ സന്നിഹിതരായിരുന്നു.

വേദി സെക്രട്ടറി അബ്ദുൾ റസാഖ് യോഗ നടപടികൾ നിയന്തിച്ചു.

കൾച്ചറൽ കമ്മറ്റി ചെയർമാൻ ജിഷാദ് ഹൈദരാലി സദസ്സിന് നന്ദി അറിയച്ചതോടെ ഒദ്യോഗിക യോഗ നടപടികൾക്ക് സമാപനമായി.

തുടർന്ന് ടാക്ക് ഖത്തർ അധ്യാപികയുടെ കൊറിയോഗ്രാഫിയിൽ സൗഹൃദ വേദി കുടുംബങ്ങളിലെ കുരുന്നുകളും വലിയവരും അവതരിപ്പിച്ച നയനമനോഹരവും ശ്രവണസുന്ദരവുമായ കലാവിരുന്നും, ഖത്തറിലെ അറിയപ്പെടുന്ന ഗായകരായ ഷാബിത്തിൻ്റെയും, കുമാരി ഹിബ ബദറുദ്ദീൻ്റെയും നേതൃത്വത്തിൽ നടന്ന ഗാനവിരുന്നും, വനിതാ അംഗമായ അമൃത നൃത്താവിഷ്‌കരണം ചെയ്ത മുതിർന്ന വനിതകൾ അവതരിപ്പിച്ച സിനിമാറ്റിക് ഡാൻസും അടങ്ങിയ ദൃശ്യ വിരുന്നിനൊപ്പം അലിഫ് മുട്ടിപ്പാട്ട് സംഘത്തിൻ്റെ സദസ്സിനെയാകെ ഇളക്കി മറിച്ച കലാശ കൊട്ടോടെ സൗഹൃദോൽസവം 2025ന് തിരശ്ശീല വീണു.