യുവതിയെ ഭീഷണിപ്പെടു ത്തി ബലാത്സംഗം ചെയ്‌തെന്ന പരാതിയില്‍ യുവാവിനെ വെള്ളിക്കുളങ്ങര പൊലീസ് അറസ്റ്റ് ചെയ്തു

25 Nov 2024 08:56 IST

Share News :

The Vellikulangara police arrested a young man for threatening and raping a woman.

യുവതിയെ ഭീഷണിപ്പെടു ത്തി ബലാത്സംഗം ചെയ്‌തെന്ന പരാതിയില്‍ യുവാവിനെ വെള്ളിക്കുളങ്ങര പൊലീസ് അറസ്റ്റ് ചെയ്തു. വെള്ളിക്കുളങ്ങര മാരാങ്കോട് പടിഞ്ഞാക്കര വീട്ടില്‍ ബിനീഷ് (32) നെയാണ് അറസ്റ്റുചെയ്തത്.

നഗ്‌ന ഫോട്ടോകള്‍ കാണിച്ച് ഭിഷണിപ്പെടുത്തി പീഡിപ്പിക്കുകയാ യിരുന്നുവെന്ന യുവതിയുടെ പരാതിയിലാണ് നടപടി. 2022 ഏപ്രിലില്‍ നിലമ്പൂരും ബിനിഷിനെതിരെ സമാന കേസ് ഉണ്ടെന്ന് പോലീസ് പറഞ്ഞു. വാട്‌സ്ആപ്പ് വഴി സൗഹൃദം സ്ഥാപിച്ച് സ്ത്രീകള്‍ അറിയാതെ അവരുടെ ദൃശ്യം പകര്‍ത്തിയാണ് ഭീഷണിപ്പെടുത്തുന്നതെന്നും പോലിസ് പറഞ്ഞു. 2018 ല്‍ അതിരപ്പിള്ളിയില്‍ നിന്ന് ആളെ തട്ടിക്കൊണ്ടുപോയി മര്‍ദിച്ച് അവശനാക്കിയ സംഭവത്തിലും ഇയാള്‍ പ്രതിയാണ്.ഞായറാഴ്ച കോടതിയില്‍ ഹാജ രാക്കാന്‍ കൊണ്ടുപോയ പ്രതി വിലങ്ങുമായി ഓടി രക്ഷപ്പെടാനും ശ്രമിച്ചു. ചാലക്കുടി മജിസ്‌ട്രേറ്റ് അവധിയില്‍ ആയിരുന്നതിനാല്‍ കൊടുങ്ങല്ലൂര്‍ മജിസ്‌ട്രേറ്റിന്റെ മുതുവറയില്‍ ഉള്ള വീട്ടില്‍ ഹാജരാക്കാന്‍ കൊണ്ടുപോകുന്നതിനിടെ തളിക്കുളത്ത് വച്ചായിരുന്നു രക്ഷപ്പെടാന്‍ ശ്രമിച്ചത്.ഹോട്ടലില്‍ നിന്ന് ഭക്ഷണം കഴിച്ച് ഇറങ്ങിയ ഉടന്‍ ഓടി രക്ഷപ്പെടാന്‍ ശ്രമിച്ച ഇയാളെ നാട്ടുകാരുടെ സഹായത്തോടെ പൊലീസ് പിടികൂടുകയാരുന്നു. കോടതിയില്‍ ഹാജരാക്കി റിമാന്‍രെ ചെയ്തു