The Vaikom Sub-District School Science Fair will be held on October 21 and 22 at Thayalaparamba.

തലയോലപ്പറമ്പ്: വൈക്കം ഉപജില്ല സ്കൂൾ ശാസ്ത്രമേള ഒക്ടോബർ 21, 22 തീയ്യതികളിൽ തലയോലപ്പറമ്പിൽ വച്ച് നടക്കും. വൈക്കം മുഹമ്മദ് ബഷീർ സ്മാരക സ്കൂൾ, ഗവൺമെൻ്റ് യുപി സ്കൂൾ, ഏ.ജെ ജോൺ മെമ്മോറിയൽ ഗവൺമെൻ്റ് സ്കൂൾ എന്നിവിടങ്ങളാണ് വേദികൾ. ഉപജില്ലയിലെ എൽ പി, യുപി, എച്ച് എസ് ,എച്ച് എസ് എസ് ,വി എച്ച് എസ് എസ് വിഭാഗങ്ങളിൽ 69 സ്കൂളുകളിൽ നിന്നായി 2,300 ൽ അധികം കുട്ടികൾ മത്സരത്തിൽ മാറ്റുരയ്ക്കും. 21 ന് രാവിലെ ജില്ലാ പഞ്ചായത്ത് സ്ഥിരം സമിതി അധ്യക്ഷ പി.എസ് പുഷ്പ മണി ശാസ്ത്രമേള ഉദ്ഘാടനം ചെയ്യും. ഗ്രാമ പഞ്ചായത്ത് പ്രസിഡൻ്റ് എൻ.ഷാജിമോൾ അദ്ധ്യക്ഷയാകും.

22 ന് വൈകിട്ട് നടക്കുന്ന സമാപന സമ്മേളനം വൈക്കം ബ്ലോക്ക് പഞ്ചായത്ത് പ്രസിഡൻ്റ് അഡ്വ. കെ.കെ രഞ്ജിത്ത് ഉദ്ഘാടനം ചെയ്യും. ജില്ലാ പഞ്ചായത്ത് ഡിവിഷൻ അംഗം ടി.എസ് ശരത്ത് മുഖ്യ പ്രഭാഷണം നടത്തും.തുടർന്ന് സമ്മാനദാനവും നടക്കും. ബ്ലോക്ക്, ഗ്രാമ പഞ്ചായത്ത് അംഗങ്ങൾ, വിദ്യാഭ്യാസ വകുപ്പ് ഉദ്യോഗസ്ഥർ തുടങ്ങിയവർ പങ്കെടുക്കും. ശാസ്ത്രമേളയുടെ ഒരുക്കങ്ങൾ പൂർത്തിയായതായി ഉപജില്ലാ വിദ്യാഭ്യാസ ഓഫീസർ ജോളി മോൾ ഐസക്ക്, സ്കൂൾ പ്രിൻസിപ്പാൾ എസ്.അനില, ഹെഡ്മാസ്റ്റർ ജി.രഞ്ജിത്ത് സംഘാടക സമിതി ഭാരവാഹികളായ ടി.രാജേഷ്, ശരത്ത്. എസ്, അഭിലാഷ് വി.വി, ദീപു കെ.എസ്, ജീവൻ ഏ.ആർ, പി.ആർ ശ്രീകുമാർ എന്നിവർ വാർത്താ സമ്മേളനത്തിൽ പറഞ്ഞു.

Tags:

വൈക്കം ഉപജില്ല സ്കൂൾ ശാസ്ത്രമേള ഒക്ടോബർ 21 22 തീയ്യതികളിൽ തലയോലപ്പറമ്പിൽ വച്ച് നടക്കും. enlightmedia,malayalamnews,kerala,latestnews