The Vaikom MLA's office, led by the Bharatiya Dalit Congress, held a march and dharna against the government's anti-Dalit move.

വൈക്കം: സംസ്ഥാന സർക്കാരിൻ്റെ ദളിത് വിരുദ്ധ നടപടിക്കെതിരെ ഭാരതീയ ദളിത് കോൺഗ്രസ്സ് ജില്ലാ കമ്മറ്റിയുടെ നേതൃത്വത്തിൽ വൈക്കം എംഎൽഎ ഓഫീസിലേക്ക് മാർച്ചും ധർണ്ണയും നടത്തി.610 കോടി രൂപ പട്ടികജാതി-പട്ടികവർഗ്ഗ വിഭാഗങ്ങളുടെ ഫണ്ട് വെട്ടിക്കുറച്ച പിണറായി സർക്കാരിന്റെ ദളിത് വിരുദ്ധ നയം തിരുത്തുക, പട്ടികജാതി വകുപ്പ് വഴി നൽകി കൊണ്ടിരുന്ന ഭവന നിർമ്മാണ പദ്ധതി പുന:സ്ഥാപിക്കുക, വിദ്യാർത്ഥികളുടെ ഇ-ഗ്രാൻ്റ് മുടക്കം കൂടാതെ നൽകുക തുടങ്ങീ വിവിധ ആവശ്യങ്ങൾ ഉന്നയിച്ചാണ് പ്രതിക്ഷേധ സമരം സംഘടിപ്പിച്ചത്. കച്ചേരിക്കവലയ്ക്ക് സമീപം മാർച്ച് പോലീസ് തടഞ്ഞു.തുടർന്ന് നടന്ന ധർണ്ണാ സമരം ഡി.സി.സി പ്രസിഡന്റ് നാട്ടകം സുരേഷ് ഉത്ഘാടനം ചെയ്തു. ജില്ലാ പ്രസിഡൻ്റ് ജോൺ തറപ്പേൽ അദ്ധ്യക്ഷത വഹിച്ചു. ദളിത് കോൺഗ്രസ് സംസ്ഥാന ജനറൽ സെക്രട്ടറിമാരായ കെ.സുരേഷ് കുമാർ ,എൻ.ജെ.പ്രസാദ്, പി.കെ. സുശീലൻ , കെ.കെ. വിനോദ്, മായ പുത്തൻതറ, രവി.വി.സോമൻ, വി.പി മുരളി കോൺഗ്രസ് ജില്ലാ, ബ്ലോക്ക് നേതാക്കൾ തുടങ്ങിയവർ പ്രസംഗിച്ചു. ധർണ്ണയ്ക്ക് മുന്നോടിയായി വൈക്കം വടക്കേ നടയിലുള്ള ദേവസ്വം പാർക്കിംഗ് ഗ്രൗണ്ടിൽ നിന്നും ആരംഭിച്ച പ്രതിക്ഷേധ മാർച്ചിൽ വനിതകൾ അടക്കം നിരവധി പ്രവർത്തകർ അണിനിരന്നു.