മത്സ്യ തൊഴിലാളി ഫെഡറേഷൻ (സിഐടിയു) കോട്ടയം ജില്ലാ സമ്മേളനം വൈക്കത്ത് നടന്നു.

08 May 2025 22:43 IST

Share News :

The Fishermen's Federation (CITU) Kottayam District Conference was held at Vaikom.

വൈക്കം: മത്സ്യ തൊഴിലാളി ഫെഡറേഷൻ (സിഐടിയു)കോട്ടയം ജില്ലാ സമ്മേളനം ചെമ്പ് കാട്ടിക്കുന്നിൽ നടന്നു. കാട്ടിക്കുന്ന് നാസ് കൺവൻഷൻസെൻ്ററിൽ നടന്ന സമ്മേളനം സി ഐ ടി യു ജില്ലാ പ്രസിഡൻ്റ് അഡ്വ. റജിസഖറിയ ഉദ്ഘാടനം ചെയ്തു.യൂണിയൻ

ജില്ലാ പ്രസിഡൻ്റ് പി.വി. പുഷ്കരൻ അധ്യക്ഷത വഹിച്ചു. വർഷകാലത്തും വേമ്പനാട്ടുകായലിലെ വേലിയേറ്റം മൂലവും കായലോരവാസികൾ അനുഭവിക്കുന്ന വെള്ളപ്പൊക്ക ദുരിതത്തിന് അറുതിവരുത്താൻ വെച്ചൂർ മുതൽ പൂത്തോട്ട വരെയുള്ള ഭാഗത്ത് 10 മീറ്റർ വീതിയിൽ കായൽ ഡ്രഡ്ജ് ചെയ്ത് തീരദേശറോഡുണ്ടാക്കുന്നതിനും കായലിലെ മണ്ണടിഞ്ഞ് നികന്ന ഭാഗങ്ങളിൽ ആഴംകൂട്ടി കായലിലെ നീരൊഴുക്ക് വർധിപ്പിക്കാനും തണ്ണീർമുക്കം ബണ്ട് പരീക്ഷണാർഥം ഒരു വർഷം തുറന്നിടാനും സർക്കാർ നടപടി സ്വീകരിക്കണമെന്ന് സമ്മേളനം ആവശ്യപ്പെട്ടു. മത്സ്യ തൊഴിലാളി ഫെഡറേഷൻ യൂണിയൻ ജില്ലാ സെക്രട്ടറി കെ.കെ. രമേശൻ റിപ്പോർട്ടും കണക്കും അവതരിപ്പിച്ചു. പി.പി.ചിത്തരഞ്ജൻ എം എൽ എ, ടി.കെ.ഭാസുര ദേവി, കെ. ശെൽവരാജ് ഡോ. സി.എം.കുസുമൻ, കെ.എസ്. വേണുഗോപാൽ, ഇ.ആർ. അശോകൻ, ടി.എൻ.സിബി തുടങ്ങിയവർ പ്രസംഗിച്ചു. പുതിയ ജില്ലാ ഭാരവാഹികളായി പി.വി. പുഷ്കരൻ ( പ്രസിഡൻ്റ്), കെ.കെ. രമേശൻ (സെക്രട്ടറി), ഇ. ആർ.അശോകൻ (ട്രഷറർ) എന്നിവരെ സമ്മേളനം തെരഞ്ഞെടുത്തു.

Tags:

മത്സ്യ തൊഴിലാളി ഫെഡറേഷൻ (സിഐടിയു) കോട്ടയം ജില്ലാ സമ്മേളനം വൈക്കത്ത് നടന്നു.

More in Related News