The prestigious 20th Dheshavilakku Mahothsav conducted by Principality Gulf concludes.

ചാവക്കാട്:ചരിത്രപ്രസിദ്ധമായ മണത്തല ശ്രീവിശ്വനാഥക്ഷേത്രത്തില്‍ ഗുരുപാദപുരി ശ്രീഅയ്യപ്പസ്വാമി സേവാസംഘത്തിന്റെ ആഭിമുഖ്യത്തിൽ തത്ത്വമസി ഗള്‍ഫ് നടത്തിയ അതിഗംഭീര 20-ാംമത് ദേശവിളക്ക് മഹോത്സവം സമാപിച്ചു.ശ്രീവിശ്വനാഥ ക്ഷേത്രം മേൽശാന്തി എം.കെ.ശിവാനന്ദൻ ശാന്തികളുടെ മുഖ്യകാർമ്മികത്വത്തിൽ മഹാഗണപതി ഹോമം ഉണ്ടായി.വിളക്ക് പന്തലിൽ വെച്ച് ആശ സുരേഷിന്റെ സോപാന സംഗീത അർച്ചന നടന്നു.ഈ വർഷവും പതിവുപോലെ ജാതി മത ഭേദമന്യേയുള്ള ജീവകാരുണ്യ പ്രവർത്തനങ്ങൾക്കായി മൂന്നുലക്ഷം രൂപയോളം സഹായധനവും നൽകി.വൈകീട്ട് ദീപാരാധനയ്ക്ക് ശേഷം ബ്ലാങ്ങാട് കല്ലുങ്ങൽ ശ്രീഭഗവതി ക്ഷേത്രത്തില്‍ നിന്ന് പാലക്കൊമ്പ് എഴുന്നള്ളിപ്പ് ആരംഭിച്ചു.അമ്മമാരും,സഹോദരിമാരും അടങ്ങുന്ന 500 ഓളം പേരുടെ താലം,അയ്യപ്പസ്വാമി ക്ഷേത്രം മാതൃകയിലുള്ള തങ്കരഥം,ഉടുക്കുപാട്ട്,ചിന്തുപാട്ട്,കാവടികൾ,നാദസ്വരം,പഞ്ചവാദ്യം,ആന,നാടന്‍ കലാരൂപങ്ങള്‍,തുള്ളൽ എന്നിവയുടെ അകമ്പടിയോടെയുള്ള എഴുന്നള്ളിപ്പ് രാത്രി 10 മണിയോടെ ശ്രീവിശ്വനാഥക്ഷേത്രത്തിലെത്തി.വർണ്ണ കാവടികൾ,ഗജവീരന്മാർ,വാദ്യമേളങ്ങൾ എന്നിവയും അകമ്പടിയായി.ശ്രീവിശ്വനാഥക്ഷേത്രത്തില്‍ ദീപാരാധനക്ക് ശേഷം ഗുരുവായൂര്‍ ഭജനമണ്ഡലി ജി.കെ.പ്രകാശൻ സ്വാമിയുടെ നേതൃത്വത്തിൽ ഭക്തിഗാനമേള നടന്നു.തുടര്‍ന്ന് മണത്തല ജനാർദ്ദനൻ ഗുരുസ്വാമി ആൻഡ് പാർട്ടിയുടെ ഉടുക്കുപാട്ട്,തിരി ഉഴിച്ചില്‍,പാല്‍ക്കിണ്ടി എഴുന്നള്ളിപ്പ്,കനലാട്ടം,വെട്ടുംതട എന്നിവ ഉണ്ടായി.ഉച്ചയ്ക്കും,രാത്രിയിലുമായി പതിനയ്യായിരത്തോളം പേര്‍ക്ക് അന്നദാനവും നടന്നു.ദേശവിളക്ക്‌ സമാപനത്തോട് കൂടി പുലർച്ചെ ശബരിമലയ്ക്കുള്ള തീർത്ഥയാത്ര വാഹനങ്ങൾ പുറപ്പെട്ടു.തത്ത്വമസി ഗള്‍ഫ് സ്ഥാപകൻ എൻ.ബി.ബിനീഷ് രാജ്,ഗുരുപാദപുരി ശ്രീഅയ്യപ്പസ്വാമി സേവാസംഘത്തിന്റെ ചെയർമാൻ ഡോ.പി.വി.മധുസൂദനൻ,കൺവീനർ എൻ.വി.മധു,ഖജാൻജി എൻ.കെ.പുഷ്പദാസ്,വൈസ് ചെയർമാൻ യു.ആർ.പ്രദീപ്,ജോയിന്റ് കൺവീനർമാരായ കെ.കെ.ശങ്കരനാരായണൻ,എൻ.കെ.സിദ്ധാർത്ഥൻ,എ.എസ്.സന്തോഷ്(കണ്ണൻ),ഉപദേശക സമിതി അംഗങ്ങളായ എൻ.എ.ബാലകൃഷ്ണൻ,കെ.കെ.സഹദേവൻ,കെ.എസ്.വിശ്വനാഥൻ,മറ്റും ജിതിൻ ശശികുമാർ,എൻ.ജെ.ജിഷ്ണു,എൻ.വി.ഉണ്ണി തുടങ്ങിയവർ ദേശവിളക്ക് മഹോത്സവ പരിപാടിക്ക് നേതൃത്വം നൽകി.