The flag will be raised for Vaikom Sub-District School Festival tomorrow (November 16).

വൈക്കം: വൈക്കം ഉപജില്ല സ്‌കൂൾ കലോത്സവത്തിന് ബ്രഹ്മമംഗലം

എച്ച്.എസ്.എസ്. & വി.എച്ച്.എസ്.സ്കൂളിൽ നാളെ പതാക ഉയരും. കൗമാരകലയുടെ മഹോത്സവത്തിൽ വൈക്കം ഉപജില്ലയിലെ പ്രൈമറി തലം മുതൽ ഹയർ സെക്കന്ററി തലം വരെയുള്ള മൂവായിരത്തിലധികം കുട്ടികൾ വിവിധ വേദികളിലായി മാറ്റുരയ്ക്കും.

ശനിയാഴ്ച രാവിലെ 9.30 ന് വൈക്കം

ഉപജില്ല വിദ്യാഭ്യാസ ഓഫീസർ

ജോളിമോൾ ഐസക് പതാക ഉയർത്തും. രാവിലെ 10 ന് ഭിന്നശേഷി കുട്ടികളുടെ കലാവിരുന്ന്. വൈകിട്ട് 3.30ന് സമ്മേളനം ഉദ്ഘാടനം സി.കെ. ആശ എം എൽ എ നിർവ്വഹിക്കും. ചെമ്പ് ഗ്രാമപഞ്ചായത്ത് പ്രസി‌ഡന്റ് സുകന്യ സുകുമാരൻ അധ്യക്ഷയാകും.സംസ്കൃതോത്സവം ഉദ്ഘാടനം വൈക്കം ബ്ലോക്ക് പഞ്ചായത്ത് പ്രസിഡൻ്റ് കെ.കെ രഞ്ജിത്ത് നിർവ്വഹിക്കും.വൈക്കം നഗരസഭ ചെയർ പേഴ്സൺ പ്രീതാ രാജേഷ് മുഖ്യ പ്രഭാഷണം നടത്തും. സിനിമാതാരം ടിനി ടോം മുഖ്യാതിഥിയായി പങ്കെടുക്കും.

അറബി സാഹിത്യോത്സവത്തിൻ്റെ ഉദ്ഘാടനം ജില്ലാ പഞ്ചായത്ത് സ്ഥിരം സമിതി അധ്യക്ഷ പി.എസ് പുഷ്പ മണി നിർവ്വഹിക്കും.ചടങ്ങിൽ ലോഗോ നിർമ്മാണത്തിൻ്റെ സമ്മാനദാനം ഉപജില്ലാ വിദ്യാഭ്യാസ ഓഫീസർ ജോളിമോൾ ഐസക് നിർവ്വഹിക്കും. സ്കൂൾ മാനേജർ

ടി. ആർ. സുഗതൻ ആമുഖ പ്രഭാഷണം നടത്തും. ജില്ലാ പഞ്ചായത്ത് അംഗങ്ങളായ

ഹൈമി ബോബി, ടി.എസ്. ശരത്, വിവിധ ഗ്രാമ പഞ്ചായത്ത് പ്രസിഡൻ്റ് മാർ, ബ്ലോക്ക് പഞ്ചായത്ത് അംഗങ്ങൾ തുടങ്ങിയവർ പ്രസംഗിക്കും.21 ന് വൈകിട്ട് 5ന് സമാപന സമ്മേളനവും സമ്മാനദാനവും നടക്കും.