Spirit of MT Writing "Literary Seminar

മേപ്പയ്യൂർ: സ്നേഹത്തിന്റെ വിവിധ ഭാവങ്ങളെകുറിച്ചുള്ള അന്വേഷണമാണ് എം ടി യുടെ കഥകളെന്നും,തിരസ്കൃതരായവരും പരാജിതരായവരുമായ മനുഷ്യരുടെ കഥകളാണ് എം ടി പറഞ്ഞതെന്നും പ്രശസ്ത സാഹിത്യകാരൻ വി.ആർ. സുധീഷ്. സൂക്ഷ്മവായനക്കാരനായിരുന്നു എം.ടി. അതിൽ നിന്നാണ് ഒരു വടക്കൻ വീരഗാഥയെന്ന സിനിമയും ചന്തുവെന്ന കഥാപാത്രവും,രണ്ടാമൂഴത്തിലെ ഭീമനുമുണ്ടാകുന്നതെന്നും അദ്ദേഹം പറഞ്ഞു. മേപ്പയ്യൂർ ഫെസ്റ്റ് ജനകീയ സാംസ്കാരികോത്സവത്തിന്റെ ഭാഗമായി നടന്ന എം ടി എഴുത്തിന്റെ ആത്മാവ് സാഹിത്യ സെമിനാറിൽ സംസാരിക്കുകയായിരുന്നു അദ്ദേഹം.

ഗ്രാമ പഞ്ചായത്ത് പ്രസിഡൻ്റ് കെ.ടി. രാജൻ അധ്യക്ഷനായി. രാജൻ തിരുവോത്ത് ആമുഖ ഭാഷണം നടത്തി. ഡോ. മിനി പ്രസാദ്, രമേശ് കാവിൽ, കെ. രതീഷ്, പി. പ്രശാന്ത് എന്നിവർ സംസാരിച്ചു.

എം.ടി.യുടെ കഥാപാത്രങ്ങളുടെ നാടകാവിഷ്കാരം നൃത്ത ശിൽപം, സ്കൂൾ നാടകങ്ങൾ, വിദ്യാർത്ഥികൾ അവതരിപ്പിച്ച നൃത്ത നൃത്യങ്ങൾ

സ്കൂൾ ഫെസ്റ്റ് എന്നിവ നടന്നു.

Tags:

enlightmedia,malayalamnews,kerala,latestnews