07 Oct 2024 20:58 IST
Share News :
തൊടുപുഴ: ഗുരുതരമായ ആരോപണങ്ങള് ഉന്നയിച്ച് ലഭിച്ച പരാതികളുടെ അടിസ്ഥാനത്തില് ഇടുക്കി ജില്ലാ മെഡിക്കല് ഓഫീസര് (ഡി.എം.ഒ) ഡോ. എല്. മനോജിനെ അന്വേഷണ വിധേയമായി സസ്പെന്ഡ് ചെയ്തു. ആരോഗ്യ വകുപ്പില് നിന്നടക്കം നിരവധി പരാതികള് ലഭിച്ചതിനെ തുടര്ന്നാണ് ഇദ്ദേഹത്തെ സസ്പെന്ഡ് ചെയ്തത്. 15 ദിവസത്തിനുള്ളില് അന്വേഷിച്ച് റിപ്പോര്ട്ട് സമര്പ്പിക്കാന് ആരോഗ്യവകുപ്പ് ഡയറക്ടര്ക്ക് സര്ക്കാര് ജോയിന്റ് സെക്രട്ടറി നിര്ദേശവും നല്കിയിട്ടുണ്ട്. ഇടുക്കി ഡെപ്യൂട്ടി ജില്ലാ മെഡിക്കല് ഓഫിസര് ഡോ. എസ്. സുരേഷ് വര്ഗീസിനാണ് ജില്ലാ മെഡിക്കല് ഓഫിസറുടെ അധിക ചുമതല നല്കിയിരിക്കുന്നത്. ജില്ലയിലെ ആരോഗ്യ പ്രവര്ത്തകരില് നിന്നടക്കം ആരോഗ്യവകുപ്പിന് പരാതി പോയിരുന്നു. തുടര്ന്നുണ്ടായ അന്വേഷണമാണ് ജില്ലാ മെഡിക്കല് ഓഫീസറുടെ സസ്പെന്ഷനില് എത്തിയതെന്ന് ആരോഗ്യ പ്രവര്ത്തകര് തന്നെ ചൂണ്ടിക്കാണിക്കുന്നു.
Follow us on :
Please select your location.