Qatar Light commemorates actor and mimicry artist Vasanthan Ponnani.

ദോഹ: നടനും മിമിക്രി കലാകാരനുമായിരുന്ന വസന്തൻ പൊന്നാനിയെ ഖത്തർ വെളിച്ചം അനുസ്‌മരിച്ചു. അബൂഹമൂറിലെ നാസ്കോ റെസ്റ്റോറൻ്റിൽ ചേർന്ന മാസാന്തര യോഗത്തിലാണ് ദോഹയിലെ പ്രിയ കലാകാരനെ വെളിച്ചം അനുസ്മ‌രിച്ചത്. ചടങ്ങിൽ ശഫാഅത്ത് വെളിയംകോട് അധ്യക്ഷത വഹിച്ചു.

അസാമാന്യ കലാ വൈഭവം കൊണ്ട് വേദികളെ വിസ്‌മയിച്ച അതുല്യ കലാകാരനായിരുന്നു വസന്തൻ. തന്റെ സ്വത സിദ്ധമായ ശൈലിയിൽ പ്രേക്ഷകരെ ഒരേ സമയം ചിരിപ്പിക്കുകയും ചിന്തിപ്പിക്കുകയും ചെയ്യുന്നതോടൊപ്പം സാമൂഹ്യ പ്രസക്തിയുള്ള വിഷയങ്ങൾ കൈകാര്യം ചെയ്‌തും അദ്ദേഹം ശ്രദ്ധ നേടി.

ബിജേഷ് കൈപ്പട, റഫീഖ് സൂപ്പി എന്നിവർ വസന്തൻ പൊന്നാനിയെ അനുസ്‌മരിച്ചു സംസാരിച്ചു. 'നിത്യ വ്യായാമത്തിലൂടെ ആരോഗ്യം വീണ്ടെടുക്കാം' എന്ന വിഷയത്തിൽ അബ്‌ദുൽ ലത്തീഫ് എൻ.പി ആരോഗ്യ ബോധവത്കരണ ക്ലാസ്സ് നയിച്ചു. 'നാട്ടുവർത്തമാനം' ചർച്ചക്ക് റഫീഖ് സൂപ്പി നേതൃത്വം നൽകി.

റസാഖ് മൂന്നേകാൽ, സൈതാലി വി.കെ, ബാദുഷ ബീരു, റസൽ റസാഖ്, സുബൈർ ചാന്തിപ്പുറം, കബീർ ഉള്ളു, അബ്‌ദുൽ ജലീൽ പി കെ എം, ഷഫീക, വെളിച്ചം ചെയർമാൻ ജിന്നൻ മുഹമ്മദുണ്ണി തുടങ്ങിയവർ ചർച്ചയിൽ പങ്കെടുത്തു സംസാരിച്ചു. ജോയിൻ്റ് സെക്രട്ടറി അക്ബർ പുതിയിരുത്തി സ്വാഗതവും ട്രഷറർ ശിഹാബ് ബി.എസ് നന്ദിയും പറഞ്ഞു.

Tags: