Qatar has become the safest country in the world: crime is low.

ദോഹ:ഓണ്‍ലൈന്‍ ഡാറ്റാബേസ് സ്ഥാപനമായ നംബിയോ തയ്യാറാക്കിയ ഏറ്റവും പുതിയ റിപ്പോര്‍ട്ടിലാണ് സുരക്ഷിത രാജ്യങ്ങളില്‍ ഖത്തര്‍ മുന്നിലെത്തിയത്. നംബിയോ സൂചിക പ്രകാരം, 142 രാജ്യങ്ങളിൽ ഏറ്റവും കുറഞ്ഞ കുറ്റകൃത്യ നിരക്കുമായി ഖത്തർ ഒന്നാം സ്ഥാനത്താണ്. 85.2% സുരക്ഷാ സൂചികയാണ് രാജ്യം നേടിയത്. യുണൈറ്റഡ് അറബ് എമിറേറ്റ്സ് (യുഎഇ) 84.9% സുരക്ഷാ സൂചികയുമായി രണ്ടാം സ്ഥാനത്തും, 83.8% സുരക്ഷാ സൂചികയുമായി തായ്‌വാൻ മൂന്നാം സ്ഥാനത്തും എത്തി.

കുറ്റകൃത്യങ്ങളുടെ തോതനുസരിച്ചാണ് പട്ടിക തയ്യാറാക്കിയിരിക്കുന്നത്. അക്രമ സംഭവങ്ങള്‍, ഭവനഭേദനം, പിടിച്ചുപറി,വാഹന മോഷണം, ശാരീരിക ആക്രമണം, നശീകരണ പ്രവണത,ആയുധം ഉപയോഗിച്ചുള്ള ആക്രമണങ്ങള്‍, രാത്രിയിലും പകലിലും തനിച്ച് നടക്കുമ്പോളുള്ള സുരക്ഷ എന്നിവയാണ് പരിഗണിച്ചിരിക്കുന്നത്. ഈ തരത്തിലുള്ള എല്ലാ കുറ്റകൃത്യങ്ങള്‍ക്കും ഏറ്റവും കുറഞ്ഞ തോതാണ് ഖത്തറിലുള്ളതെന്ന് പഠനം പറയുന്നു.

അറബ് രാജ്യങ്ങളിൽ, ഖത്തർ ഒന്നാം സ്ഥാനത്തും, യുഎഇ രണ്ടാം സ്ഥാനത്തും, ഒമാൻ മൂന്നാം സ്ഥാനത്തും, ബഹ്‌റൈൻ നാലാം സ്ഥാനത്തും, സൗദി അറേബ്യ അഞ്ചാം സ്ഥാനത്തും, കുവൈത്ത് ആറാം സ്ഥാനത്തുമാണ്.

Tags: