Parappanangadi Govt. Special Teachers Training Centre honoured those who have excelled in the field of disability.

പരപ്പനങ്ങാടി : ഗവ. സ്പെഷ്യൽ ടീച്ചേഴ്സ് ട്രെയിനിങ് സെൻ്റർ പരപ്പനങ്ങാടി ഭിന്നശേഷി മേഖലയിൽ കഴിവ് തെളിയിച്ചവരെ ആദരിച്ചു.

വോയ്സ് ഓഫ് വേൾഡ് മലയാളി കൗൺസിലിൻ്റെ ഗുരുശ്രേഷ്ഠ അവാർഡ് ജേതാവും എ ഡബ്യു എച്ച് കൊടക്കാടിലെ അധ്യാപികയുമായ സത്യഭാമ ടീച്ചറെയും, ലോകത്തിലെ ഏറ്റവും വലിയ യൂത്ത് ഫുട്ബോൾ ടൂർണ്ണമെൻ്റായ ഗോത്വിയ കപ്പിൽ ഇന്ത്യക്ക് വേണ്ടി മത്സരിച്ച ഹാജിമാരകത്ത് മുഹമ്മദ് ഷഹീർ, ഇൻ്റർ നാഷണൽ സ്പെഷ്യൽ ഒളിമ്പിക്സ് കോച്ചും, സ്പെഷ്യൽ എഡ്യുക്കേറ്ററും, പരപ്പനങ്ങാടി ഗവ. സ്പെഷ്യൻ ടീച്ചേഴ്സ് ട്രെയിനിങ് സെൻ്ററിലെ പൂർവ്വ വിദ്യാർത്ഥിയുമായ മുഹമ്മദ് അജ് വാദ് എന്നിവരെ ആദരിച്ചു. മലപ്പുറം ജില്ലാ സ്പെഷ്യൽ സ്കൂൾ കലോത്സവത്തിലും, മുൻസിപ്പൽ, സബ്ജില്ല കായിക മേളയിൽ വിജയികളായ പരപ്പനങ്ങാടി ഗവ. മോഡൽ ലാബ് സ്കൂളിലെ വിദ്യാർത്ഥികൾക്കുള്ള സമ്മാനങ്ങളും വിതരണം ചെയ്തു.

ചടങ്ങ് സെൻ്റർ കോഡിനേറ്റർ ടി. ജിഷ ഉദ്ഘാടനം ചെയ്തു. അവാർഡ് ജേതാക്കളായ സത്യഭാമ ടീച്ചർ, മുഹമ്മദ് ഷഹീർ, മുഹമ്മദ് അജ് വാദ്, ശഹീറിൻ്റെ മാതാവ് ബുഷറ, അധ്യാപികമാരായ കെ.കെ. ഷബീബ, പി. ഹംസിറ, ഫാത്തിമ സുഹറ ശാരത്ത്, തുളസി കെ, ലൈബ്രേറിയൻ എ.വി. ജിത്തു വിജയ്, ജീവനക്കാരായ ടി. വരുൺ, കെ. രഞ്ജിത്ത്, വി.പി. അക്ഷയ ദാസ്, സി. മിഥുൻ, കെ. സഫിയ എന്നിവർ സംസാരിച്ചു. പി.ടി.എ പ്രസിഡൻ്റ് നൗഫൽ ഇല്യൻ അധ്യക്ഷത വഹിച്ചു, ടി.കെ രജിത സ്വാഗതവും, ഒന്നാം വർഷ വിദ്ധ്യാർത്ഥിനി ടി. റിസാന നന്ദിയും പറഞ്ഞു

Tags:

Enlightnews parappanangadi