New Community Dental Clinic of Mar Baselios Dental College Launched in Peace Valley

മാർ ബസേലിയോസ് ഡെന്റൽ കോളേജിന്റെ പുതിയ കമ്മ്യൂണിറ്റി ഡെന്റൽ ക്ലിനിക്ക് പീസ് വാലിയിൽ ആരംഭിച്ചു

കോതമംഗലം : നെല്ലിക്കുഴി പീസ് വാലിയിൽ പുതുതായി ആരംഭിച്ച മാർ ബസേലിയോസ് ഡെന്റൽ കോളേജിന്റെ കമ്മ്യൂണിറ്റി ഡെന്റൽ ക്ലിനിക്കിന്റെ ഉദ്ഘാടനം ആന്റണി ജോൺ എം എൽ എ നിർവഹിച്ചു. പീസ് വാലി ചെയ്യുന്ന കാരുണ്യ പ്രവർത്തനങ്ങൾ നമ്മുടെ ലോകത്തിന് തന്നെ മാതൃകയായി മാറുകയാണെന്ന് എം എൽ എ അഭിപ്രായപെട്ടു. പീസ് വാലി ചെയർമാൻ

പി എം അബുബക്കർ അധ്യക്ഷത വഹിച്ച ചടങ്ങിൽ പീസ് വാലി ദുബായ് ചാപ്റ്റർ സെക്രട്ടറി ജോൺസൻ മത്തായി സ്വാഗതം ആശംസിച്ചു. കോതമംഗലം ചെറിയ പള്ളി വികാരി ഫാ. ജോസ് പരത്തുവയലിൽ അനുഗ്രഹ പ്രഭാഷണം നടത്തി. തുടർന്ന് കാലം ചെയ്ത ശ്രേഷ്ഠ കാതോലിക്ക അബൂൻ മോർ ബസേലിയോസ് തോമസ് പ്രഥമൻ ബാവയുടെ അനുസ്മരണവും ഇതോടൊപ്പം നടത്തുകയും പീസ് വാലി സെക്രട്ടറി എം എം ഷംസുദീൻ മുഖ്യ അനുസ്മരണ പ്രഭാഷണം നൽകുകയും ചെയ്യ്തു. സമൂഹത്തിൽ ജീവകാരുണ്യ പ്രവർത്തനങ്ങളിൽ പീസ് വാലി ചെയ്യുന്ന സംഭാവനകൾ കണക്കിലെടുത്ത് പീസ് വാലിയോടുള്ള ആദരസൂചകമായി ചെയർമാൻ പി എം അബൂബക്കറിനെ എം ബി എം എം അസോസിയേഷന് വേണ്ടി സെക്രട്ടറി ബിനോയ്‌ തോമസ് മണ്ണഞ്ചേരിൽ, വൈസ് പ്രസിഡന്റ്‌ ബാബു മാത്യു കൈപ്പിള്ളിൽ, ഡോ. റോയ് എം ജോർജ് എന്നിവർ ചേർന്ന് ആദരിച്ചു. ആതുരസേവനത്തിൽ പീസ് വാലി നടത്തുന്ന എല്ലാ പ്രവർത്തനങ്ങൾക്കും എം ബി എം എം അസോസിയേഷന്റെ പൂർണ്ണ പിന്തുണ ഉണ്ടാകുമെന്ന് അസോസിയേഷൻ സെക്രട്ടറി ബിനോയ്‌ തോമസ് മണ്ണഞ്ചേരിൽ ഉറപ്പു നൽകി. കോതമംഗലം ചെറിയ പള്ളി ട്രസ്റ്റീ ബേബി അഞ്ഞിലിവേലിൽ, മാനേജ്മെന്റ് കമ്മിറ്റി അംഗങ്ങൾ, ബോർഡ് മെംബേർസ് പ്രീറ്റ്സി പോൾ, വിൻസെന്റ് പൈലി, ബിനു കോമയിൽ എന്നിവരും , വിവിധ പഞ്ചായത്ത്‌ പ്രസിഡന്റുമാർ, മാർ ബസേലിയോസ് ഹോസ്പിറ്റൽ അഡ്മിനിസ്ട്രേറ്റർ ഡോ. തോമസ് മാത്യു, മാർ ബസേലിയോസ് ഡെന്റൽ കോളേജ് പ്രിൻസിപ്പാൾ ഡോ. ബൈജു പോൾ കുര്യൻ, വൈസ് പ്രിൻസിപ്പാൾ ഡോ. ജയൻ ജേക്കബ് എന്നിവരും, ഇരു സ്ഥാപനങ്ങളിലെ മറ്റ് സ്റ്റാഫ്‌ അംഗങ്ങളും ചടങ്ങിൽ പങ്കെടുത്തു.

Tags:

enlightmedia,malayalamnews,kerala,latestnews