Neeraj Chopra of India will also compete in the Doha Diamond League this time.

ദോഹ: മെയ് 16 ന് നടക്കാനിരിക്കുന്ന ദോഹ ഡയമണ്ട് ലീഗിലൂടെയാണ് തന്റെ സീസൺ ആരംഭിക്കുന്നതെന്ന് ഇരട്ട ഒളിമ്പിക് മെഡൽ ജേതാവായ ഇന്ത്യൻ ജാവലിൻ ത്രോ താരം നീരജ് ചോപ്ര ചൊവ്വാഴ്ച സ്ഥിരീകരിച്ചു.കഴിഞ്ഞ രണ്ട് തവണയും ഡയമണ്ട് ലീഗില്‍ ഖത്തറിലെ ഇന്ത്യക്കാര്‍ക്ക് ആവേശം പകര്‍ന്ന ജാവലിന്‍ താരം നീരജ് ചോപ്ര ഇത്തവണയും ദോഹയിലെത്തുന്നുണ്ട്.

ഖത്തറിലെ ഇന്ത്യക്കാര്‍ നല്‍കുന്ന പിന്തുണ അതിശയപ്പെടുത്തുന്നതാണെന്നു നീരജ് ചോപ്ര പറഞ്ഞു. ഡയമണ്ട് ലീഗ് പോരാട്ടങ്ങളിലെ മൂന്നാംവേദിയായ ദോഹയില്‍ മെയ് 16 നാണ് കായിക താരങ്ങള്‍ മാറ്റുരയ്ക്കുന്നത്. കഴിഞ്ഞ തവണ നേരിയ വ്യത്യാസത്തിലാണ് നീരജിന് സ്വര്‍ണം നഷ്ടമായത്. 2023 ല്‍ നീരജ് സ്വര്‍ണം നേടിയിരുന്നു. അതിശയപ്പെടുത്തുന്ന പിന്തുണയാണ് ഖത്തറിലെ പ്രവാസി ഇന്ത്യക്കാരില്‍ തനിക്ക് ലഭിക്കാറുള്ളതെന്നും ദോഹയിലെ ആരാധകരോട് എങ്ങനെ നന്ദി പറയണമെന്ന് അറിയില്ലെന്നും നീരജ് വ്യക്തമാക്കി. ലോക അത്ലറ്റിക് ചാമ്പ്യന്‍ഷിപ്പ് ഈ വര്‍ഷം നടക്കുന്നതിനാല്‍ മികച്ച താരങ്ങളെല്ലാം ഖത്തറിലെത്തുമെന്ന് ഉറപ്പാണ്. ഹൈജംപില്‍ ഖത്തറിന്റെ മുഅതസ് ബര്‍ഷിം, ന്യൂസിലന്‍ഡിന്റെ നിലവിലെ ഒളിമ്പിക് ചാമ്പ്യന്‍ ഹാമിഷ് കെറും പങ്കെടുക്കുമെന്ന് നേരത്തെ വ്യക്തമാക്കിയിരുന്നു.