Navotsav 2k24 Welcome Team Office has started functioning.

നവോത്സവ് 2k24 സ്വാഗതസംഘം ഓഫീസ് പ്രവർത്തനമാരംഭിച്ചു.

12 Nov 2024 04:03 IST

Share News :

Navotsav 2k24 Welcome Team Office has started functioning.

ദോഹ: കെ.എം.സി.സി ഖത്തർ സംസ്ഥാന കമ്മിറ്റിയുടെ ആഭിമുഖ്യത്തിൽ 2024 നവംബർ 15 മുതൽ 2025 മെയ് 15 വരെ സംഘടിപ്പിക്കുന്ന സംസ്ഥാന തല കലാ, കായിക, സാഹിത്യ മത്സരങ്ങൾ, മറ്റു സാംസ്‌കാരിക പരിപാടിയായ ‘നവോത്സവ് 2k24’ സ്വാഗത സംഘം ഓഫീസ് പ്രവർത്തനമാരംഭിച്ചു. തുമാമയിലെ കെ.എം.സി.സി ആസ്ഥാനത്ത് നടന്ന ചടങ്ങിൽ സംസ്ഥാന പ്രസിഡന്റ് ഡോ. അബ്ദുൽ സമദ് ഉദ്ഘാടനം ചെയ്തു.

കൾച്ചറൽ പ്രോഗ്രാം, സംഘടനാ ശാക്തീകരണ പരിപാടികൾ, സംസ്ഥാന ഉപഘടകങ്ങളുടെ വ്യത്യസ്തമായ പരിപാടികൾ, സ്നേഹാർദ്രമായ ആദരവ്, മെഗാ ക്ളോസിങ് ഇവന്റ് തുടങ്ങിയവ ഉൾപ്പെടുത്തിയാണ് നവോത്സവം ഒരുക്കുന്നത്. നവോത്സവ് കർട്ടൺ റൈസർ ഇവന്റ് നവംബർ 16 ശനിയാഴ്ച വൈകീട്ട് ഐ.സി.സി. അശോക ഹാളിൽ നടക്കും. പ്രോമോ വീഡിയോ, തീം സോങ്, ലോഗോ എന്നിവയുടെ ലോഞ്ചിംഗും അന്നേ ദിവസം നടക്കും. വിവിധ കലാകാരൻമാർ അവതരിപ്പിക്കുന്ന സംഗീത വിരുന്നും ഉണ്ടായിരിക്കും.

സംസ്ഥാന ഭാരവാഹികളായ കെ.മുഹമ്മദ് ഈസ, അൻവർ ബാബു, ബഷീർ ടി. ടി. കെ, അബൂബക്കർ പുതുക്കുടി, ആദം കുഞ്ഞി, സിദ്ധീഖ് വാഴക്കാട്, അജ്മൽ നബീൽ, അലി മൊറയൂർ, താഹിർ തഹക്കുട്ടി, വി. ടി. എം. സാദിഖ്, ഫൈസൽ മാസ്റ്റർ, സമീർ മുഹമ്മദ്, ശംസുദ്ധീൻ വാണിമേൽ എന്നിവർ നേതൃത്വം നൽകി. വിവിധ ജില്ലാ, ഏരിയ, മണ്ഡലം, പഞ്ചായത്ത് ഭാരവാഹികളും, കൗൺസിലർമാർ. നേതാക്കളും ചടങ്ങിൽ സംബന്ധിച്ചു. സംസ്ഥാന ജനറൽ സെക്രട്ടറി സലീം നാലകത്ത് സ്വാഗതവും, സെക്രട്ടറി അശ്റഫ് ആറളം നന്ദിയും പറഞ്ഞു.

Tags: