Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
08 Jun 2024 23:08 IST
Share News :
വൈക്കം: എസ്എസ്എല്‍സി, പ്ലസ് ടു പരീക്ഷകളില്‍ ഉന്നതവിജയം നേടിയ വൈക്കം നിയോജകമണ്ഡലത്തിലെ വിദ്യാര്‍ഥികളെ എംഎല്‍എ സൈലം എക്‌സലന്‍സ് അവാര്‍ഡ് നല്‍കി അനുമോദിച്ചു. വൈക്കം വടക്കേനട എന്‍എസ്എസ് ഓഡിറ്റോറിയത്തില്‍ നടന്ന അനുമോദന സമ്മേളനം 'പ്രത്യാശ 2024' സി.കെ ആശ എംഎല്‍എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് അഡ്വ. കെ.കെ രഞ്ജിത്ത് അധ്യക്ഷത വഹിച്ചു. നഗരസഭ ചെയര്‍പേഴ്‌സണ്‍ പ്രീത രാജേഷ്, ഗ്രാമപഞ്ചായത്ത് പ്രസിഡന്റുമാരായ ജോണി തോട്ടുങ്കല്‍, ശ്രീജി ഷാജി, പി. പ്രീതി, ഭൈമി വിജയന്‍, കെ.ആര്‍ ഷൈലകുമാര്‍, ജില്ലാ പഞ്ചായത്ത് അംഗം ഹൈമി ബോബി, വിവിധ ഗ്രാമ പഞ്ചായത്ത് ജനപ്രതിനിധികൾ തുടങ്ങിയവർ പ്രസംഗിച്ചു. എസ്എസ്എല്‍സി പരീക്ഷയ്ക്ക് എട്ട് എ പ്ലസ് വരെയും പ്ലസ്ടു വിന് നാല് എ പ്ലസ് വരെയും ലഭിച്ചവരെയാണ് അവാര്‍ഡ് നല്‍കി ആദരിച്ചത്. സൈലം ലേണിങ്ങുമായി ചേര്‍ന്നു സംഘടിപ്പിച്ച ചടങ്ങില്‍ മണ്ഡലത്തിലെ വിവിധ സ്‌കൂളുകളില്‍ പഠിച്ചവരും മണ്ഡലപരിധിയില്‍ സ്ഥിരതാമസക്കാരുമായ അഞ്ഞൂറിലേറെ വിദ്യാര്‍ഥികള്‍ അവാര്‍ഡ് ഏറ്റുവാങ്ങി.
Follow us on :
Tags:
More in Related News
Please select your location.
