Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
24 Dec 2024 13:14 IST
Share News :
പെരുമ്പാവൂരിലെ നിയമ വിദ്യാർത്ഥിനിയായ ജിഷയുടെ കൊലപാതകവുമായി ബന്ധപ്പെട്ട് നിർണായക റിപ്പോർട്ട് സുപ്രീംകോടതിക്ക് കൈമാറി തൃശൂർ മെഡിക്കൽ കോളേജ്. കേസിൽ വധശിക്ഷക്ക് വിധിക്കപ്പെട്ട പ്രതി അമീറുൽ ഇസ്ലാമിന്റെ മനോനിലയിൽ പ്രശ്നങ്ങളൊന്നുമില്ലെന്ന് തൃശൂർ മെഡിക്കൽ കോളേജിലെ മെഡിക്കൽ ബോർഡ് തയ്യാറാക്കിയ റിപ്പോർട്ടിൽ വ്യക്തമാക്കുന്നു. ഈ റിപ്പോർട്ടാണ് സുപ്രീംകോടതിക്ക് കൈമാറി.
മാനസികമായ പ്രശ്നങ്ങൾ, വ്യാകുലത, ഭയം എന്നിവ അമീറുൽ ഇസ്ലാമിനെ അലട്ടുന്നില്ലെന്നും റിപ്പോർട്ടിലുണ്ട്. വിയ്യൂർ സെൻട്രൽ ജയിലിലെ സൂപ്രണ്ട് തയ്യാറാക്കിയ സ്വഭാവ സർട്ടിഫിക്കറ്റും കോടതിക്ക് കൈമാറിയിട്ടുണ്ട്. ജയിലിലെ കുറ്റങ്ങൾക്ക് ഇത് വരെയും അമീറുൽ ഇസ്ലാമിനെ ശിക്ഷിച്ചിട്ടില്ലെന്ന് ജയിൽ സൂപ്രണ്ട് നൽകിയ സ്വഭാവ സർട്ടിഫിക്കറ്റിൽ പറയുന്നു.
2016 ഏപ്രില് 28നാണ് പെരുമ്പാവൂര് സ്വദേശിയായ നിയമ വിദ്യാര്ഥിനിയെ വീടിനുള്ളില് കൊല്ലപ്പെട്ട നിലയില് കണ്ടെത്തിയത്.
ശരീരത്തില് ആഴത്തില് ഏറ്റ മുറിവുകള് ആയിരുന്നു മരണ കാരണം. കൊല്ലപ്പെടും മുന്പ് യുവതി പ്രതിയുടെ കൈയ്യില് കടിച്ചിരുന്നു. ഇതിലൂടെ ലഭിച്ച സാമ്പിളിലെയും പ്രതിയുടെയും ഡിഎന്എ ഒന്നാണെന്നും കണ്ടെത്തിയിരുന്നു. അമീറുള് ഇസ്ലാമിന്റെ രക്തവും യുവതിയുടെ വസ്ത്രത്തില് നിന്ന് ലഭിച്ചിരുന്നു. അമീറുള് ഇസ്ലാമിന്റെ ചെരുപ്പില് നിന്നും കൊലപാതകത്തിന് ഉപയോഗിച്ച കത്തിയില് നിന്നും യുവതിയുടെ ഡിഎന്എ സാമ്പിള് ലഭിച്ചിരുന്നു.
2017 ഡിസംബറില് ആണ് എറണാകുളം പ്രിന്സിപ്പല് സെഷന്സ് കോടതി പ്രതി അമീറുള് ഇസ്ലാം കേസില് കുറ്റക്കാരന് ആണെന്ന് കണ്ടെത്തിയത്. 1,500 പേജുള്ള കുറ്റപത്രം അനുസരിച്ച് ആയിരുന്നു വിചാരണ. ഒന്നര വര്ഷത്തില് അധികം നീണ്ട വിചാരണയ്ക്ക് ഒടുവില് വിചാരണ കോടതി പ്രതിക്ക് വധശിക്ഷ വിധിച്ചു. വധശിക്ഷ ആയതിനാല് ശിക്ഷാവിധി ഹൈക്കോടതി ഡിവിഷന് ബെഞ്ച് ശരിവയ്ക്കണം. ഇക്കാര്യം ആവശ്യപ്പെട്ട് പ്രോസിക്യൂഷന് നല്കിയ ഹര്ജിയിലായിരുന്നു നേരത്തെ ഹൈക്കോടതി വിധി പറഞ്ഞത്.
Follow us on :
Tags:
More in Related News
Please select your location.
