'Kodaka' organizes Iftar Sangam and honouring domestic workers.

ദോഹ: ഖത്തറിൽ കലാ-സാംസ്കാരിക രംഗത്തും, സഹായ സഹകരണ പ്രവർത്തനങ്ങളിലും കഴിഞ്ഞ 18 വർഷത്തിലധികമായി സജീവമായ കോട്ടയം ഡിസ്‌ട്രിക്റ്റ് ആർട്സ് ആൻഡ് കൾച്ചറൽ അസോസിയേഷൻ (കൊഡാക്ക) ഇഫ്താർ വിരുന്ന് സംഘടിപ്പിക്കുന്നു.

മാർച്ച് 13-ന് വൈകുന്നേരം 5 മണിക്ക് ഡി- റിങ് റോഡിലെ റോയൽ ഗാർഡൻസിൽ (Royal Garden's) വെച്ച് നടക്കുന്ന സംഗമത്തിൽ ഖത്തറിലെ വനിതാ ഗാർഹിക തൊഴിലാളികൾക്ക് ആദരവൊരുക്കുന്നു. സംഗമത്തിൽ ഗാർഹിക തൊഴിലാളികളാണ് മുഖ്യാതിഥികൾ.

ചടങ്ങിൽ ഐ.സി.സി, ഐ സി ബി എഫ്, ഐ. എസ്. സി, കെ.ബി എഫ് പ്രസിഡന്റുമാരും മറ്റു വിവിധ കമ്മ്യൂണിറ്റി പ്രമുഖരും പങ്കെടുക്കും.

പ്രസിഡന്റ് മുഹമ്മദ് സിയാദ് ചടങ്ങിൽ അധ്യക്ഷത വഹിക്കും. ലോക കേരള സഭാംഗം അബ്ദുൽ റഊഫ് കൊണ്ടോട്ടി ആശംസാ പ്രസംഗം നിർവഹിക്കും. കൊഡാക്ക പേട്രണും ഐ. സി. ബി. എഫ്, എം.സി അംഗവും ആയ റഷീദ് അഹമ്മദ്, ഉപദേശക ബോർഡ് ചെയർമാൻ ജോപ്പച്ചൻ തെക്കേകൂട്ട്, തുടങ്ങിയവർ ചടങ്ങിൽ സംസാരിക്കും.

ജോർജ്ജ് ജോസഫ് (ജനറൽ സെക്രട്ടറി), ടിജു, അബ്ദുൽ കരീം,ടോണി, നിഷാദ്, മഞ്ജു മനോജ്, സിനിൽ, രഞ്ജു, ജിറ്റോ, നീതു വിപിൻ റോയ് എന്നിവർ സംഗമത്തിനു നേതൃത്വം നൽകും.