INTUC organized a memorial for Oommen Chandy at Udayanapuram Mandal Committee Vallakam Jeevilayam.

വൈക്കം: കേരളത്തിലെ പാവപ്പെട്ട ജനങ്ങൾക്കും പ്രത്യേകിച്ച് തൊഴിലാളികളുടെ ഉന്നമനത്തിനും വേണ്ടി അഹോരാത്രം പണിയെടുത്ത നേതാവായിരുന്നു ഉമ്മൻ ചാണ്ടിയെന്ന് ഐ.എൻ.റ്റി.യു.സി സംസ്ഥാന പ്രസിഡൻ്റ് ആർ ചന്ദ്രശേഖരൻ പറഞ്ഞു. ഐ.എൻ.റ്റി.യു.സി ഉദയനാപുരം മണ്ഡലം കമ്മറ്റി സംഘടിപ്പിച്ച ഉമ്മൻ ചാണ്ടി അനുസ്മരണ സമ്മേളനം വല്ലകം ജീവനിലയത്തിൽ ഉൽഘാടനം ചെയ്തു സംസാരിക്കുകയായിരുന്നു അദ്ദേഹം. ഐ.എൻ.റ്റി യു.സി സംസ്ഥാന നിർവാഹക സമിതി അംഗം എം.വി മനോജ് അദ്ധ്യക്ഷത വഹിച്ചു. ഐ എൻ.റ്റി.യു.സി കോട്ടയം ജില്ലാ പ്രസിഡൻ്റ് ഫിലിപ്പ് ജോസഫ് മുഖ്യപ്രഭാഷണം നടത്തി. ഉമ്മൻ ചാണ്ടിയോടുള്ള ആദരസൂചക മായി ജീവനിലയത്തിലെ അന്തേനിവാസികൾക്ക് ഐ.എൻ.റ്റി.യു.സി. യുടെ നേതൃത്വത്തിൽ സ്നേഹവിരുന്നും നടത്തി. വൈക്കം മുൻസിപ്പൽ ചെയർപേഴ്സൺ പ്രീതാ രാജേഷ്, ബ്ലോക്ക് കോൺഗ്രസ്സ് കമ്മറ്റി പ്രസിഡൻ്റ് പി.ഡി ഉണ്ണി, ജില്ലാ കോൺഗ്രസ്സ് കമ്മറ്റി ഭാരവാഹികളായ ജെയ് ജോൺ പേരയിൽ, പി.വി. പ്രസാദ്, എം.എൻ. ദിവാകരൻ നായർ, ഉദയനാപുരം കോൺഗ്രസ്സ് മണ്ഡലം പ്രസിഡൻ്റ് പി.ഡി. ജോർജ്ജ്, കോൺഗ്രസ്സ് തലയോലപ്പറമ്പ് മണ്ഡലം പ്രസിഡൻ്റ് കെ.ഡി. ദേവരാജൻ ഐ.എൻ.റ്റി.യു.സി ഉദയനാപുരം മണ്ഡലം പ്രസിഡൻ്റ് എം.ഡി.സത്യൻ, കെ.എസ്. യു താലൂക്ക് പ്രസിഡൻ്റ് ഹരികൃഷ്ണൻ , ഐ എൻ റ്റി യു സി ജില്ലാ ഭാരവാഹികളായ വി.റ്റി ജെയിംസ്, ഇടവട്ടം ജയകുമാർ, റ്റി.ആർ ശശികുമാർ, സഖറിയാ സേവ്യർ, ജോർജ്ജ് വർഗീസ്, ശ്രീദേവി അനിരുദ്ധൻ തുടങ്ങിയവർ പ്രസംഗിച്ചു.

Tags:

ഐ.എൻ.റ്റി.യു.സി ഉദയനാപുരം മണ്ഡലം കമ്മറ്റി വല്ലകം ജീവനിലയത്തിൽ ഉമ്മൻ ചാണ്ടി അനുസ്മരണം സംഘടിപ്പിച്ചു.

More in Related News