Inaugurated English Association at Regional College

മലപ്പുറം: റീജിയണൽ കോളേജ് ഓഫ് സയൻസ് ആൻഡ് ഹ്യൂമാനിറ്റീസിലെ ഇംഗ്ലീഷ് വിഭാഗത്തിൻ്റെ ആഭിമുഖ്യത്തിൽ ഇംഗ്ലീഷ് അസോസിയേഷൻ സെമിനാർ ഹാളിൽ ഉദ്ഘാടനം ചെയ്തു.

ഇംഗ്ലീഷ് വിഭാഗം തലവൻ കെ. പ്രണവ് അദ്ധ്യക്ഷത വഹിച്ചു. വിദ്യാർത്ഥികളും അധ്യാപകരും നേടിയ വ്യക്തിഗതവും അക്കാദമികവുമായ നേട്ടങ്ങൾ അദ്ദേഹം പ്രസംഗത്തിൽ എടുത്തു പറയുകയുണ്ടായി.

വാഴയൂരിലെ സാഫി ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡി (ഓട്ടോണമസ്) ഇംഗ്ലീഷ് വിഭാഗത്തിലെ അസിസ്റ്റന്റ് പ്രൊഫസറും വാഴയൂർ കൗൺസിലറുമായ കെ.പി. ജൗഹറ ഔപചാരിക ഉദ്ഘാടനം നിർവഹിച്ചു.

ഭാഷ, സാഹിത്യം, വിമർശനാത്മക ചിന്ത, ആശയവിനിമയ നൈപുണ്യം എന്നിവ വികസിപ്പിക്കുന്നതിൽ അസോസിയേഷൻ വഹിക്കുന്ന പങ്ക് അവർ പ്രഭാഷണത്തിൽ വിശദീകരിച്ചു. കൂടാതെ പൊളിറ്റിക്സ് ഓഫ് റെപ്രസെൻ്റേഷൻ എന്ന വിഷയത്തെക്കുറിച്ചും നിരീക്ഷണങ്ങൾ പങ്കുവെച്ചു. ശേഷം, സെമസ്റ്റർ പരീക്ഷകളിലെ ടോപ്പർമാരെ അനുമോദിച്ചു.

പ്രിൻസിപ്പൽ (ഇൻചാർജ്) കെ. മുഹമ്മദ് റഫീഖ് കോളേജിലെ അക്കാദമിക, സാംസ്കാരിക പ്രവർത്തനങ്ങളിൽ ഇംഗ്ലീഷ് വിഭാഗം വഹിക്കുന്ന പങ്ക് പ്രശംസിച്ചു. വിദ്യാർത്ഥികൾ അസോസിയേഷൻ പ്രവർത്തനങ്ങളിൽ സജീവമായി പങ്കെടുക്കണമെന്ന് അദ്ദേഹം ആഹ്വാനം ചെയ്തു.

അസോസിയേഷൻ സെക്രട്ടറിയായ എ .അയിഷ നൂറ സ്വാഗതവും, അസിസ്റ്റന്റ് പ്രൊഫസർ സി .ബിൻസിയ നന്ദി പറഞ്ഞു.

വിദ്യാർത്ഥികളുടെ ഭാഷ , സൃഷ്ടിപരമായ കഴിവുകളും വർധിപ്പിക്കുന്നതിനായി വിവിധ സാഹിത്യ പരിപാടികൾ, ശിൽപ്പശാലകൾ, ചർച്ചകൾ തുടങ്ങിയവ സംഘടിപ്പിക്കുക എന്നതാണ് ഇംഗ്ലീഷ് അസോസിയേഷൻ ലക്ഷ്യമാക്കുന്നത്.

Tags:

Regional college kizhissery