Hindu Aikya Vedi 21st State Conference on 24th, 25th and 26th May, Vaikkam.

വൈക്കം : വൈക്കം സത്യഗ്രഹ ത്തിന്റെ ശതാബ്‌ദി ആഘോഷിക്കുന്ന കാലഘട്ടത്തിൽ വൈക്കം സത്യഗ്രഹത്തെ കുറിച്ചും, സത്യഗ്രഹം ഉയർത്തിയ മഹത്തായ സന്ദേശത്തെ സംബന്ധിച്ചും ശരിയായ ദിശാബോധം നൽകുക എന്ന ലക്ഷ്യം മുൻനിർത്തി ഹിന്ദു ഐക്യവേദി 21-ാം സംസ്ഥാന സമ്മേളനം മെയ് 24, 25, 26 തീയതികളിൽ വൈക്കത്ത് വച്ച് നടക്കും. സംസ്ഥാന സമ്മേളനത്തിന്റെ സംഘാടന സമിതി രൂപീകരണ യോഗം വൈക്കം ചാലപ്പറമ്പ് ടി. കെ. മാധവൻ മെമ്മോറിയൽ യു. പി സ്കൂളിൽ നടന്നു. സംസ്ഥാന അധ്യക്ഷ

കെ. പി ശശികല ടീച്ചർ ഉദ്ഘാടനം ചെയ്തു. ഹിന്ദു ഐക്യവേദി ജില്ലാ പ്രസിഡൻ്റ് ക്യാപ്റ്റൻ പി. എൻ വിക്രമൻ നായർ അധ്യക്ഷത വഹിച്ചു. സംസ്ഥാന സംഘടനാ സെക്രട്ടറി സി. ബാബു, നേതാക്കളായ വി. ശുശികുമാർ, കെ. പി ഹരിദാസ്, കൃഷ്ണകുമാർ കുമ്മനം, മഞ്ഞപ്പാറ സുരേഷ്, കെ. വി ശിവൻ, അനിത ജനാർദ്ദനൻ, പ്രൊഫസർ ടി. ഹരിലാൽ തുടങ്ങിയവർ പ്രസംഗിച്ചു.വൈക്കം സത്യഗ്രഹ നേതാക്കളിൽ പ്രമുഖനായ ടി. കെ മാധവൻ്റെ ചെറുമകൻ എൻ. ഗംഗാധരൻ ചെയർമാനും ഡോക്ടർ ജയപ്രദീപ് വർക്കിംഗ് ചെയർമാൻ, ആർ. സോമശേഖരൻ ജനറൽ കൺവീനർ എന്നിവരടങ്ങുന്ന 51 അംഗ സംഘാടക സമിതിയെ തിരഞ്ഞെടുത്തു. മെയ് 24ന് കോട്ടയം ദർശന ഓഡിറ്റോറിയത്തിൽ നടക്കുന്ന വൈക്കം സത്യഗ്രഹത്തെ കുറിച്ചുള്ള സെമിനാറിൽ ദേശീയതലത്തിൽ ശ്രദ്ധേയരായ മാധ്യമ പ്രവർത്തകരും, പ്രമുഖരായ സംഘടനാ നേതാക്കളും പങ്കെടുക്കും.മെയ് 25ന് വൈക്കത്ത് ഹിന്ദു നേതൃത്വ സമ്മേളനവും

26ന് സംസ്ഥാന പ്രതിനിധി സമ്മേളനവും നടക്കും.

Tags:

ഹിന്ദു ഐക്യവേദി സംസ്ഥാന സമ്മേളനം വൈക്കത്ത്.

More in Related News