ഹിന്ദുഐക്യവേദി ഏങ്ങണ്ടിയൂർ പഞ്ചായത്ത്‌ ഓഫീസിന് മുന്നിൽ പ്രതിഷേധ ധർണ്ണ നടത്തി

19 Jul 2025 18:27 IST

Share News :

Hindu Aikya Vedhi holds protest dharna in front of Engandiyur Panchayath Office

ഏങ്ങണ്ടിയൂർ:തകർന്നുകിടക്കുന്ന പഞ്ചായത്ത്‌ റോഡുകൾ സഞ്ചാര യോഗ്യമാക്കുക,കുടിവെള്ളവും കുടിവെള്ള സ്രോതസ്സുകളും സംരക്ഷിക്കുക,ഹൈവേ വികസനത്തിന്റെ ഭാഗമായി പൊക്കുളങ്ങര ഭാഗത്തുണ്ടായിട്ടുള്ള യാത്രാ ക്ലേശം പരിഹരിക്കുക,ഉപ്പുവെള്ളം കയറി കൃഷിയും ശുദ്ധജലവും നശിക്കുന്നത് തടയാൻ നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ചുകൊണ്ട് ഹിന്ദു ഐക്യവേദി എങ്ങണ്ടിയൂർ പഞ്ചായത്ത്‌ കമ്മിറ്റിയുടെ നേതൃത്വത്തിൽ പഞ്ചായത്ത്‌ ഓഫീസിന് മുന്നിൽ പ്രതിഷേധ ധർണ്ണ നടത്തി.ധീവരസഭ സംസ്ഥാന കൗൺസിലർ ജോഷി ബ്ലാങ്ങാട് ധർണ്ണ ഉദ്ഘാടനം ചെയ്തു.ഹിന്ദു ഐക്യവേദി പഞ്ചായത്ത്‌ രക്ഷാധികാരി സർജുകുമാർ പള്ളിക്കടവത്ത് അധ്യക്ഷത വഹിച്ചു.ഹിന്ദു ഐക്യവേദി ജില്ലാ ജനറൽ സെക്രട്ടറി കെ.പി.മണികണ്ഠൻ ആമുഖ പ്രഭാഷണം നടത്തി.താലൂക്ക് സെക്രട്ടറി പി.എസ്.സുബ്രമണ്യൻ,വർക്കിംഗ്‌ പ്രസിഡന്റ്‌ അനിൽ തളിക്കുളം,ഗ്രാമ പഞ്ചായത്ത്‌ മെമ്പർ ഉഷ സുകുമാരൻ,കൃഷ്ണദാസ് മംഗലത്ത്,തേജ് കളത്തിൽ എന്നിവർ പ്രസംഗിച്ചു.സുനീഷ് പാലക്കൽ,വിനോദ് നമ്പിയത്ത്,എം.ജെ.ഉണ്ണികൃഷ്ണൻ,സ്മിത നന്ദൻ,ടി.വി.പ്രകാശൻ,എം.കെ.രതീഷ്,ദേവാനന്ദൻ പണ്ടാരത്തിൽ,മിഥുൻ ഇയ്യാനി,വത്സൻ മുളക്കൽ,സി.എസ്.സുധീഷ് എന്നിവർ നേതൃത്വം നൽകി.

Tags:

enlightmedia,malayalamnews,kerala,latestnews