ഗുരുവായൂർ ക്ഷേത്രോത്സവം 2026:തിരുവാതിരക്കളി അവതരിപ്പിക്കാൻ ഓൺലൈൻ വഴി അപേക്ഷിക്കാം..

Guruvayur Temple Festival 2026: Apply online to introduce Thiruvathirakali.

ഗുരുവായൂർ:2026ലെ ഗുരുവായൂർ ക്ഷേത്രോത്സവവുമായി ബന്ധപ്പെട്ട് തിരുവാതിരകളി,കൈകൊട്ടികളി അവതരിപ്പിക്കുന്നതിന് ടീമുകളിൽ നിന്ന് ദേവസ്വം ഓൺലൈൻ(www.guruvayurdevaswom.in) വഴി മാത്രം അപേക്ഷ സ്വീകരിക്കും.തപാൽ വഴിയോ ദേവസ്വം ഓഫീസിൽ നേരിട്ടോ ലഭിക്കുന്ന അപേക്ഷകൾ പരിഗണിക്കുന്നതല്ല.2026 ജനുവരി 10 മുതൽ ഫെബ്രുവരി 10 വരെ ഓൺലൈൻ ആയി www.guruvayurdevaswom.in എന്ന വെബ് സൈറ്റ് വഴി അപേക്ഷിക്കാം.തിരുവാതിരക്കളി,കൈക്കൊട്ടിക്കളി അവതരണത്തിന് ഓരോ ടീമിനും 12 മിനിട്ട് അനുവദിക്കും.ഒരുസംഘത്തിൽ 12 പേർക്ക് വരെ പങ്കെടുക്കാം.പാരമ്പര്യ രീതിയിലുള്ള തിരുവാതിര അവതരണം മാത്രമെ അനുവദിക്കുകയുള്ളു.തിരുവാതിരക്കളിക്ക് മുമ്പോ ശേഷമോ സ്റ്റേജിൽ വെച്ച് ഫോട്ടോ ചിത്രീകരിക്കാൻ പാടില്ല.പിന്നൽ തിരുവാതിരക്ക് അനുവാദമില്ല.ദേവസ്വത്തിൽ നിന്നും വാട്സ് ആപ്പ്,ഇ മെയിൽ ചെയ്ത് നൽകുന്ന കത്തിന്റെ പകർപ്പുമായി അനുവദിച്ച സമയത്തിന് 30 മിനിട്ട് മുമ്പ് രജിസ്ട്രേഷൻ കൗണ്ടറിൽ ഹാജരാകേണ്ടതാണ്.രജിസ്ട്രേഷൻ കൗണ്ടറിലെ ഉദ്യോഗസ്ഥർ യഥാസമയം നൽകുന്ന നിർദ്ദേശങ്ങൾ കർശനമായി പാലിക്കേണ്ടതാണ്.ഉത്സവത്തോടനുബന്ധിച്ച് തിരുവാതിരകളി അവതരിപ്പിക്കാൻ എത്തുന്ന സംഘങ്ങൾക്ക് താമസം,ഭക്ഷണം,യാത്ര ചെലവ്,പ്രതിഫലം എന്നിവ ദേവസ്വത്തിൽ നിന്ന് നൽകില്ല.തിരുവാതിരക്കളി അവതരിപ്പിക്കാൻ നൽകുന്ന തിയ്യതി,സമയം എന്നിവയിൽ പിന്നീട് മാറ്റം അനുവദിക്കുന്നതല്ല.