Gundisam of bus workers on Poothota - Ernakulam route; Bus driver injured in Vaikkam.

പൂത്തോട്ട - എറണാകുളം റൂട്ടിലെ ബസ് തൊഴിലാളികളുടെ ഗുണ്ടായിസം; വൈക്കത്തെ ബസ് ഡ്രൈവർക്ക് പരിക്ക്.

27 Oct 2024 15:10 IST

Share News :

Gundisam of bus workers on Poothota - Ernakulam route; Bus driver injured in Vaikkam.

വൈക്കം: വൈക്കം - എറണാകുളം റൂട്ടിൽ സർവീസ് നടത്തുന്ന സ്വകാര്യ ബസിലെ ഡ്രൈവറെ ക്രൂരമായി മർദ്ദിച്ച സംഭവത്തിൽ പ്രതികളെ മുഴുവൻ പിടികൂടാത്തതിൽ പ്രതിക്ഷേധിച്ച് വൈക്കം - എറണാകുളം റൂട്ടിൽ സർവ്വീസ് നടത്തുന്ന സ്വകാര്യ ബസ് തൊഴിലാളികൾ പണിമുടക്കിലേക്ക്.

പൂത്തോട്ട - ഹൈക്കോട്ട് റൂട്ടിൽ ഓടുന്ന സ്വകാര്യ ബസിന്റെ ഓണറിൻ്റെ നേതൃത്വത്തിലുള്ള ഗുണ്ടകളാണ് ശനിയാഴ്ച വൈക്കം - എറണാകുളം റൂട്ടിൽ സർവീസ് നടത്തുന്ന പ്രിയദർശിനി ബസിലെ ഡ്രൈവർ പ്രജിത്ത് (30) ക്രൂരമായി മർദ്ദിച്ചത്. തൃപ്പൂണിത്തറയിൽ വച്ച് ശനിയാഴ്ച വൈകിട്ട് 6 മണിയോടെയാണ് സംഭവം. ഓട്ടോയിൽ എത്തിയ മൂന്നംഗ സംഘം ബസ് തടഞ്ഞ് ഡ്രൈവറെ ആക്രമിക്കുകയായിരുന്നുവെന്ന് തൊഴിലാളികൾ പറയുന്നു.

ആക്രമണത്തിൽ തലയ്ക്കും, കണ്ണിനും സാരമായി പരിക്കേറ്റ പ്രജിത്ത് തൃപ്പൂണിത്തറ ആശുപത്രിയിൽ ചികിത്സയിലാണ്. ഗുണ്ടകളുടെ അഴിഞ്ഞാട്ടത്തെ തുടർന്ന് ബസ് ഓടിക്കാൻ പറ്റാത്ത സാഹചര്യമാണ് നിലവിലുള്ളതെന്ന് വൈക്കത്തെ ബസ് തൊഴിലാളികൾ പറയുന്നു. തുടർന്ന് പോലിസ് രണ്ട് പേരെ പിടികൂടുകയായിരുന്നു. ആക്രമണം നടത്തിയ പ്രധാനിയെ പിടികൂടാത്ത സാഹചര്യത്തിലാണ് വൈക്കം - എറണാകുളം റൂട്ടിൽ സർവ്വീസ് നടത്തുന്ന സ്വകാര്യ ബസ് ജീവനക്കാർ ഒന്നടങ്കം പണിമുടക്കാൻ ആലോചിക്കുന്നത്.