Eye check-up camp organised at Vyasa Vidyaniketan

ചാലക്കുടി: വ്യാസ വിദ്യാനികേതൻ സെൻട്രൽ സ്കൂളിൽ മാതൃസമിതിയുടെ നേതൃത്വത്തിൽ വിദ്യാർത്ഥികൾക്ക് സൗജന്യ നേത്ര പരിശോധന ക്യാമ്പ് നടത്തി. ചാലക്കുടി ഐ വിഷൻ ഐ കെയർ ഹോസ്പിറ്റലിലെ നേതൃപരിശോധനാ വിദഗ്ധരാണ് ക്യാമ്പ് നയിച്ചത്. ഭാരതീയ വിദ്യാനികേതൻ സംസ്ഥാന എക്സിക്യൂട്ടീവ് മെമ്പറും ജഗദ്ഗുരു ട്രസ്റ്റ് ട്രഷററും ആയ ടി.എൻ.രാമൻ അധ്യക്ഷത വഹിച്ച ചടങ്ങിൽ ഭാരതീയ വിദ്യാനികേതൻ സംസ്ഥാന സംസ്ഥാന മാതൃഭാരതി സെക്രട്ടറി സൗമ്യ സുരേഷ് പരിപാടിയുടെ ഉദ്ഘാടനം നിർവഹിച്ചു. ചാലക്കുടി ഐവിഷൻ ഹോസ്പിറ്റൽ സീനിയർ പ്രോജക്ട് ഓഫീസർ സജീവ് കുമാർ നിർദ്ദേശങ്ങൾ നൽകി .സ്കൂൾ പ്രിൻസിപ്പൽ പി.ജി. ദിലീപ്, സ്കൂൾ മാനേജർ യു.പ്രഭാകരൻ, ജഗദ്ഗുരു ട്രസ്റ്റ് ചെയർമാൻ ജി. പത്മനാഭൻ , മാതൃസമിതി പ്രസിഡണ്ട് ശ്രുതി ഷൈനോ എന്നിവർ ആശംസനേർന്നു. മാതൃ സമിതി സെക്രട്ടറി സരിത രഞ്ജിത്ത് സ്വാഗതവും മാതൃസമിതി എക്സിക്യൂട്ടീവ് മെമ്പർ വിജി സുനിൽ നന്ദിയും രേഖപ്പെടുത്തി. സ്കൂളിലെ എല്ലാ കുട്ടികളുടേയും നേത്രപരിശോധന നടത്തി, പ്രശ്നമുള്ളവർക്ക് തുടർ ചികിത്സക്ക് നിർദ്ദേശവും നൽകി.