CPM Thalaparambu Area Conference; T. I Chellappan organised the Memorial Volleyball Tournament.

സിപിഎം തലയോലപ്പറമ്പ് ഏരിയാ സമ്മേളനം; ടി. ഐ ചെല്ലപ്പൻ സ്മാരക വോളിബോൾ ടൂർണ്ണമെൻ്റ് സംഘടിപ്പിച്ചു.

09 Nov 2024 17:00 IST

Share News :

CPM Thalaparambu Area Conference; T. I Chellappan organised the Memorial Volleyball Tournament.

തലയോലപ്പറമ്പ്: സിപിഎം തലയോലപ്പറമ്പ് ഏരിയാ സമ്മേളനത്തിന്റെ ഭാഗമായി സംഘടിപ്പിക്കുന്ന ടി. ഐ ചെല്ലപ്പൻ സ്മാരക വോളിബോൾ ടൂർണ്ണമെന്റിന് തുടക്കമായി. കരിപ്പാടം ആർബി കെയർ ഫൗണ്ടേഷൻ സ്റ്റേഡിയത്തിൽ വെച്ച് നടക്കുന്ന ടൂർണമെന്റ് മുൻ ഇന്ത്യൻ വോളിബോൾ താരം എസ്. എ മധു ഉദ്ഘാടനം ചെയ്തു. സിപിഎം വടകര ലോക്കൽ കമ്മിറ്റി അംഗം ഡി. എം ദേവരാജൻ അധ്യക്ഷത വഹിച്ചു. പ്രമുഖ വ്യവസായിയും ആർ ബി കെയർ ഫൗണ്ടേഷൻ ചെയർമാനുമായ പുല്ലുവേലിൽ രാജു മുഖ്യപ്രഭാഷണം നടത്തി. മൂന്ന് ദിവസങ്ങളിലായി സംഘടിപ്പിച്ചിട്ടുള്ള ടൂർണമെന്റ് ഞായറാഴ്ച സമാപിക്കും. ഫൈനൽ മത്സരദിവസം വനിതകളുടെ പ്രദർശന മത്സരവും സംഘടിപ്പിച്ചിട്ടുണ്ട്. തൃപ്പൂണിത്തുറ എൻഎസ്എസ് കോളേജ് പ്രിൻസിപ്പൽ വനജ രാജീവ്, സിപിഎം തലയോലപ്പറമ്പ് ഏരിയാ സെക്രട്ടറി കെ. ശെൽവരാജ്, ഏരിയ കമ്മിറ്റി അംഗങ്ങളായ ഡോ. സി. എം കുസുമൻ, പി. വി ഹരിക്കുട്ടൻ, കെ. എസ് വേണുഗോപാൽ, വി. എൻ ബാബു, എസ്. സന്ദീപ് ദേവ്, ലോക്കൽ സെക്രട്ടറി എം. കെ ഹരിദാസ്, ആർബി കെയർ ഫൗണ്ടേഷന്റെ ഭാരവാഹികളായ അജിത് പ്രകാശ്, കെ. എസ് സാബു, ഡൊമിനിക് ചെറിയാൻ എന്നിവർ പ്രസംഗിച്ചു.

Tags:

സിപിഎം തലയോലപ്പറമ്പ് ഏരിയാ സമ്മേളനം; ടി. ഐ ചെല്ലപ്പൻ സ്മാരക വോളിബോൾ ടൂർണ്ണമെൻ്റ് സംഘടിപ്പിച്ചു. വൈക്കം വാർത്ത