Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
07 Mar 2025 23:44 IST
Share News :
വൈക്കം: ബ്രഹ്മമംഗലം മഹാദേവ ക്ഷേത്രത്തിലെ തിരുഉത്സവത്തോടനുബന്ധിച്ച് ബ്രഹ്മമംഗലം ഗ്രാമീണ ആര്‍ട്‌സ് ക്ലബ്ബിൻ്റെ ആഭിമുഖ്യത്തിൽ നടത്തിയ 27-ാമത് കാവടി ഘോഷയാത്ര വർണ്ണാഭമായി. കൊട്ടക്കാവടി, ആട്ടക്കാവടി, ഗില്‍റ്റുകാവടി, വിവിധ വേഷങ്ങള്‍ തുടങ്ങിയ കലാരൂപങ്ങളും പമ്പമേളം, ബാന്റുമേളം, പെരുമ്പറമേളം, തമ്പോലമേളം തുടങ്ങിയ വാദ്യമേളങ്ങളുടെയും അകമ്പടിയോടെ നടന്ന കാവടി ഘോഷയാത്ര ഏറെ ചാരുത പകർന്നു. വിവിധ ജില്ലകളിൽ നിന്നുള്ള 200 ല്‍പ്പരം കലാകാരന്മാര്‍ കാവടി ഘോഷയാത്രയില്‍ അണിനിരന്നു. വെള്ളിയാഴ്ച വൈകിട്ട് 7ന് ബ്രഹ്മമംഗലം ഹൈസ്‌കൂള്‍ ഗ്രൗണ്ടില്‍നിന്നാരംഭിച്ച കാവടി ഘോഷയാത്രയെ മേതൃക്കോവില്‍ ട്രസ്റ്റ് ചെയര്‍മാന്‍ പി.കെ. ദിനേശന്‍ ആശിര്‍വദിച്ചു. ക്ലബ് രക്ഷാധികാരി സുഷിൻ കുമാർ, പ്രസിഡന്റ് കെ.പി. ജയപ്രകാശ്, വൈസ് പ്രസിഡൻ്റ് മനോജ്, വി.കെ രാജീവ്, എം.ഡി രവീന്ദ്രൻ, സെക്രട്ടറി സന്തോഷ് തറയില്‍, കമ്മറ്റി അംഗങ്ങൾ തുടങ്ങിയവർ നേതൃത്വം നൽകി.
നൂറ് കണക്കിന് ഭക്തജനങ്ങൾ ചടങ്ങിൽ പങ്കെടുക്കാൻ എത്തിയിരുന്നു. കാവടി ഘോഷയാത്ര മാര്‍ക്കറ്റ് ചുറ്റി കുരിശുപള്ളി വഴി രാത്രി മഹാദേവ ക്ഷേത്ര സന്നിധിയില്‍ എത്തിച്ചേർന്ന് ഭക്തിനിർഭരമായ ചടങ്ങുകളോടെ സമാപിച്ചു.
Follow us on :
Tags:
More in Related News
Please select your location.
