A heartwarming visual experience and a thumbnail of 'PUNYALAN'

പാവറട്ടി:സെൻ്റ് ജോസഫ്സ് തീർത്ഥകേന്ദ്രത്തിലെ തിരുനാളിനോടനുബന്ധിച്ച് പാരീഷ് വോയിസ് ബുള്ളറ്റിൻ കമ്മിറ്റി ഒരുക്കിയ ലഘുചിത്രം 'ഹൃദയത്തിലെന്നും പുണ്യാളൻ ' എന്ന ഹൃസ്വചിത്രം പ്രദർശനത്തിന് ഒരുങ്ങി.പാവറട്ടിയുടേയും,പരിസര പ്രദേശങ്ങളുടേയും ദൃശ്യഭംഗിയിലൂടെയാണ് ഈ ഹൃസ്വചിത്രം ഒരുക്കിയിരിക്കുന്നത്.വീട്ടിൽ നിന്ന് പാവറട്ടി പള്ളിയിലേക്ക് പുറപ്പെട്ട അമ്മാമ്മയുടെ ഓർമ്മകളിലൂടെയും,കുട്ടികളുടെ കാഴ്ചകളിലൂടെയുമാണ് ലഘു ചിത്രത്തിൻ്റെ സഞ്ചാരം.യാത്രാ സംഘത്തിന്‍റെ സഞ്ചാരവഴികളില്‍ നാടിനെ അവര്‍ തൊട്ടറിയുന്നുണ്ട്.പ്രദേശത്തെ പ്രധാന ഇടങ്ങളേയും,വ്യക്തികളേയും അടയാളപ്പെടുത്തുന്നു.കനോലി കനാൽ,ഏനാമാവ് ബണ്ട്,കോൾ പാടങ്ങൾ,വഴിയമ്പലം,മാണി മുത്തപ്പന്റെ വീട് എന്നിവയ്ക്ക് പുറമേ പാവറട്ടി പള്ളിയുടെയും പുണ്യാളന്റേയും പഴയകാല വാണിജ്യത്തിന്റെയും കൃഷിയുടെയും ചരിത്രവും ഉള്‍പ്പെടെ നാടിന്‍റെ വിവിധകാഴ്ചകള്‍ മനോഹരമായി ചിത്രീകരിച്ചിട്ടുണ്ട്.വീഡിയോയുടെ സംവിധാനം അധ്യാപകനായ റാഫി നീലങ്കാവിലും സഹസംവിധാനം ഷിജോ ചൊവ്വല്ലൂരും നിര്‍വ്വഹിക്കുന്നു.ഹൃസ്വ ചിത്രത്തിന്റെ പ്രകാശനം ബുധനാഴ്ച വൈകിട്ട് ആറുമണിക്ക് കുർബാനയ്ക്ക് ശേഷം ദേവാലയ പരിസരത്ത് വെച്ച് സംഘടിപ്പിക്കുമെന്ന് ഭാരവാഹികളായ പ്രൊഫ.ഇ.ഡി.ജോൺ,വിനോയ് ഡേവിസ് എന്നിവർ അറിയിച്ചു.