പുതുപ്പള്ളിയിൽ ഉമ്മൻചാണ്ടിയുടെ കല്ലറയും ചങ്ങനാശ്ശേരിയിൽ പെരുന്ന എൻ എസ് എസ് ആസ്ഥാനവും സന്ദർശിച്ച് പാലക്കാട്ടെ ഇടത് സ്ഥാനാർഥി പി. സരിൻ

കോട്ടയം: പുതുപ്പള്ളിയിൽ ഉമ്മൻചാണ്ടിയുടെ കല്ലറയും ചങ്ങനാശ്ശേരിയിൽ പെരുന്ന എൻ എസ് എസ് ആസ്ഥാനവും സന്ദർശിച്ച് പാലക്കാട്ടെ ഇടത് സ്ഥാനാർഥി പി. സരിൻ. ശനിയാഴ്ചയാണ് ഡോ. പി. സരിൻ പുതുപ്പള്ളിയിൽ എത്തിയത്. മുൻ മുഖ്യമന്ത്രി ഉമ്മൻ ചാണ്ടിയുടെ കല്ലറയിൽ അദ്ദേഹം മെഴുകുതിരി കത്തിച്ചു പ്രാർത്ഥിച്ചു. തുടർന്ന് മാധ്യമങ്ങളോട് പ്രതികരിച്ച അദ്ദേഹം

പുതുപ്പള്ളിയിൽ ഇടവേളകളിൽ എത്താറുള്ള ആളാണെന്ന് പറഞ്ഞു.

പാലക്കാട് ഇടതുമുന്നണിൽ ഭിന്നതയില്ല.

എൻ്റെ രാഷ്ട്രീയത്തിൻ്റെ ശരികളിലൂടെയാണ് ഞാൻ നടക്കുന്നത്. തൻ്റെ പിൻമാറ്റത്തോടെ കോൺഗ്രസിൽ ശുദ്ധികലശത്തിന് തുടക്കം കുറിക്കാൻ കഴിഞ്ഞതായി സരിൻ പറഞ്ഞു.

കൃപേശിൻ്റെയും ശരത് ലാലിൻ്റെയും ശവകുടീരം സന്ദർശിക്കണമെന്ന ഷാഫി പറമ്പിൽ എം.പിയുടെ പ്രസ്താവനയോട് മറുപടി പറയുന്നില്ല.

മാധ്യമങ്ങൾക്ക് എതിരായ സിപിഎം നേതാവ് കൃഷ്ണദാസിൻ്റെ പരാമർശം ശ്രദ്ധയിൽപ്പെട്ടില്ല.

അങ്ങനെ ആരു പറഞ്ഞാലും ശരിയല്ല.

അദ്ദേഹം അങ്ങനെ പറഞ്ഞിട്ടുണ്ടെട്ടിൽ ഞാൻ മാപ്പ് ചോദിക്കുന്നതായും സരിൻ പറഞ്ഞു.

തുടർന്ന് പെരുന്നയിൽ എൻ എസ് എസ് ആസ്ഥാനത്തും സരിൻ സന്ദർശനം നടത്തി. ജനറൽ സെക്രട്ടറി ജി. സുകുമാരൻ നായരുമായും കൂടിക്കാഴ്ച നടത്തിയ സരിൻ

തെരഞ്ഞെടുപ്പിൻ്റെ ഭാഗമായി പ്രമുഖ വ്യക്തികളെ കാണുന്നതിൻ്റെ തുടർച്ചയായിട്ടാണ് ഇവിടെ എത്തിയതെന്നും തൻ്റെ രാഷ്ട്രീയത്തിൻ്റെ ശരി അദ്ദേഹത്തെ ബോധ്യപ്പെടുത്താനാണ് വന്നതെന്നും വ്യക്തമാക്കി.

Tags:

enlightmedia,malayalamnews,kerala,latestnews