ചാലക്കുടി പ്രസ് ഫോറം ഒരുക്കുന്ന പ്രണാമം 15ന് ചാലക്കുടി എസ്‌എൻ ഹാളിൽ മന്ത്രി ഡോ.ആർ.ബിന്ദു ഉദ്ഘാടനം ചെയ്യും

തൃശൂർ: ചാലക്കുടി മേഖലയിലെ മൺമറഞ്ഞ മാധ്യമ പ്രവർത്തകരെ അനുസ്മ‌രിക്കുന്നതിന് ചാലക്കുടി പ്രസ് ഫോറം ഒരുക്കുന്ന 'പ്രണാമം' 15ന് നാലിന് ചാലക്കുടി എസ്‌എൻ ഹാളിൽ മന്ത്രി ഡോ.ആർ.ബിന്ദു ഉദ്ഘാടനം ചെയ്യും. പ്രണാമത്തിന്റെ ഭാഗമായി ഏർപെടുത്തിയ സമഗ്ര സംഭാവനയ്ക്കുള്ള മധു സമ്പാളൂർ സ്‌മാരക സംസ്‌ഥാന മാധ്യമ പുരസ്കാരം (11,111 രൂപ) കേരള കൗമുദി ദിനപത്രം തിരുവനന്തപുരം ന്യൂസ് ഹെഡ് ആൻഡ് അസോഷ്യേറ്റ് എഡിറ്റർ വി.എസ്.രാജേഷിനു മന്ത്രി സമ്മാനിക്കും. ജനയുഗം മുൻ ലേഖകൻ സി.കെ. പള്ളി സ്‌മാരക ജില്ലാ പത്രമാധ്യമ പുരസ്‌കാരം മലയാള മനോരമ തൃശൂർ ബ്യൂറോയിലെ ലേഖകൻ വിനീഷ് വിശ്വത്തിനും (വാർത്ത ഇതു ഷീബയുടെ അരക്കിലോ പൊന്ന്) പൗലോസ് താക്കോൽക്കാരൻ സ്മാരക ജില്ലാ ദൃശ്യമാധ്യമ പുരസ്‌കാരം തൃശൂർ എസിവി ന്യൂസിലെ പ്രദീപ് ഉണ്ണിക്കും (വാർത്ത: തൃശൂർ നഗരത്തിലെ രാത്രികൾക്കിപ്പോൾ പാലപ്പൂവിൻ്റെ ഉന്മാദഗന്ധമാണ്) കൊല്ലാടിക്കൽ രാജൻ സ്‌മാരക ജില്ലാ വാർത്താവതാരക (വനിതാ വിഭാഗം) പുരസ്‌കാരം ചേലക്കര എൻസിടിവിയിലെ ധന്യ മണികണ്ഠനും പുഞ്ചപ്പറമ്പിൽ കണ്ണൻ സ്‌മാരക ജില്ലാ വാർത്താവതാരക (പുരുഷ വിഭാഗം) പുരസ്‌കാരം പുതുക്കാട് എൻസിടിവിയിലെ ആന്റോ കല്ലേരിക്കും കെയർകേരള ഫൗണ്ടേഷൻ ഏർപെടുത്തിയ മികച്ച ഓൺലൈൻ മാധ്യമത്തിനുള്ള ജില്ലാ പുരസ്‌കാരം പബ്ലിക് തൃശൂരിലെ ശിവപ്രസാദ് പട്ടാമ്പിക്കും (വാർത്ത ഇന്ധനവില പ്രശ്‌നമല്ല, നെടുമ്പുര സ്വദേശി ആരിഫിന്റെ കാളവണ്ടിക്കു മൈലേജ് അൺലിമിറ്റഡ്, സംസ്‌ഥാനത്തെ കാർഷിക മുന്നേറ്റത്തിനു കരുത്തേകാൻ മിണാലൂർ തിരുത്തിപ്പറമ്പിലെ യന്ത്രവൽകൃത ഞാറ്റടികൾ), മികച്ച വാർത്താചിത്രത്തിനുള്ള എ.പി. തോമസ് സ്‌മാരക ജില്ലാ പുരസ്‌കാരം മലയാള മനോരമ ചെറുതുരുത്തി ലേഖകൻ ജയകുമാർ പാഞ്ഞാളിനും (ചിത്രം : വറ്റി വരണ്ടു കിടക്കുന്ന കനാൽ കുട്ടികൾ കളിക്കളമാക്കിയപ്പോൾ) മന്ത്രി സമ്മാനിക്കും. 5000 രൂപയും ഫലകവും അടങ്ങിയതാണു ജില്ലാ പുരസ്ക‌ാരങ്ങൾ. ദൂരദർശൻ മുൻ ന്യൂസ് റീഡറും ജനം ടിവി മുൻ സീനിയർ എഡിറ്ററുമായ ആർ.ബാലകൃഷ്‌ണൻ, സത്യദീപം എഡിറ്റർ ഷിജു ആച്ചാണ്ടി. മെട്രൊ വാർത്ത യുഎഇ ചീഫ് റിപ്പോർട്ടർ റോയ് റാഫേൽ, തൃശൂർ ഫൈൻ ആർട്‌സ് കോളജ് മുൻ പ്രിൻസിപ്പൽ ഡോ.മനോജ് കണ്ണൻ എന്നിവരടങ്ങിയ ജഡ്‌ജിങ് കമ്മിറ്റിയാണു പുരസ്‌കാര ജേതാക്കളെ തിരഞ്ഞെടുത്തത്.

സമ്മേളനത്തിൽ പ്രസ് ഫോറം പ്രസിഡൻ്റ് ഭരിത പ്രതാപ് അധ്യക്ഷത വഹിക്കും. ബെന്നി ബഹനാൻ എംപി മുഖ്യാതിഥിയായിരിക്കും. സനീഷ്‌കുമാർ ജോസഫ് എംഎൽഎയുടെ നേതൃത്വത്തിലുള്ള 'ചിറക്' പദ്ധതിയുമായി സഹകരിച്ചു ചാലക്കുടി നിയോജക മണ്ഡലത്തിലെ നൂറോളം പത്ര ഏജന്റുമാരെ ആദരിക്കും എംഎൽഎ ഉപഹാരസമർപ്പണം നടത്തും. നഗരസഭാധ്യക്ഷൻ ഷിബു വാലപ്പൻ ചികിത്സാ സഹായ വിതരണം നടത്തും. പ്രസ് ഫോറം അംഗങ്ങൾക്കുള്ള എക്‌സലൻസ് അവാർഡുകൾ റബർ ബോർഡ് വൈസ് ചെയർമാൻ കെ.എ.ഉണ്ണിക്കൃഷ്‌ണൻ സമ്മാനിക്കും. മൺമറഞ്ഞ മാധ്യമ പ്രവർത്തകരെ പ്രസ് ഫോറം രക്ഷാധികാരി അഡ്വ.എൻ.ആർ.സരിത അനുസ്‌മരിക്കും പ്രണാമം ചീഫ് കോ-ഓർഡിനേറ്റർ കെ.ബി.ബിനേഷ് അവാർഡ് ജേതാക്കളെ പരിചയപ്പെടുത്തുമെന്നു ചാലക്കുടി പ്രസ് ഫോറം പ്രസിഡൻ്റ് ഭരിത പ്രതാപ്, സെക്രട്ടറി അക്ഷര ഉണ്ണിക്കൃഷ്‌ണൻ, പ്രണാമം ചെയർമാൻ അഡ്വ.രമേഷ്‌കുമാർ കുഴിക്കാട്ടിൽ, ജനറൽ കൺവീനർ ഷാലി മുരിങ്ങൂർ, ചീഫ് കോ-ഓർഡിനേറ്റർ വിത്സൻ മേച്ചേരി എന്നിവർ തൃശ്ശൂരിൽ

വാർത്ത സമ്മേളനത്തിൽ അറിയിച്ചു