Vellore Achinakkam Church will be flagged off for Thirunal tomorrow ( February 27).

വൈക്കം: വെച്ചൂർ അച്ചിനകം സെൻ്റ് ആൻ്റണീസ് തീർത്ഥാടന ദേവാലയത്തിൽ വിശുദ്ധ അന്തോനീസിൻ്റെയും വിശുദ്ധ സെബസ്ത്യാനോസിൻ്റേയും സംയുക്തതിരുനാളിന് നാളെ ( ഫെബ്രുവരി 27) വ്യാഴാഴ്ച കൊടിയേറും. വൈകിട്ട് 6 ന് തിരുനാൾ കൊടിയേറ്റിനും ദിവ്യബലി, നൊവേന, ലദീഞ്ഞ് എന്നിവയ്ക്കും ഫാ.പോൾ ആത്തപ്പിള്ളി മുഖ്യകാർമികനാകും.

ആരാധനാദിനമായ 28 ന് രാവിലെ 6.30 ന് ഫാ.സുരേഷ് മൽപ്പാൻ്റെ കാർമികത്വത്തിലുള്ള ദിവ്യബലിയെ തുടർന്ന് കുടുംബയൂണിറ്റുകളുടെ നേതൃത്വത്തിൽ പൂർണദിന ആരാധന, വൈകിട്ട് 5 ന് പൊതു ആരാധനയ്ക്ക് ഫാ. ഹോർമിസ് തോട്ടക്കര നേതൃത്വം നൽകും. ഫാ. വിമൽ കല്ലൂക്കാരൻ ദിവ്യകാരുണ്യ സന്ദേശം നൽകും. ദിവ്യകാരുണ്യ പ്രദക്ഷിണത്തിന് വൈക്കം ഫൊറോനാ വികാരി ഫാ. ബർക്കുമാൻസ് കൊടയ്ക്കൽ കാർമികനാകും.

വേസ്പര ദിനമായ മാർച്ച് 1 ന് രാവിലെ 6.30 നുള്ള ദിവ്യബലിയെ തുടർന്ന് ഭവനങ്ങളിലേക്ക് അമ്പെഴുന്നള്ളിപ്പ്. 4.30 ന് തിരിവെഞ്ചരിപ്പ്, രൂപം എഴുന്നള്ളിച്ചു വയ്ക്കൽ, ദിവ്യബലിക്ക് ഫാ. അബിൻ മങ്ങാരത്തുചിറയും വേസ്പരയ്ക്ക് ഫാ. ജോയി പ്ലാക്കലും കാർമികത്വം വഹിക്കും. ഫാ.ലിജോ കുറിയേടൻ വചനസന്ദേശം നൽകും. തുടർന്ന് പ്രദക്ഷിണം. തിരുനാൾ ദിനമായ 2 ന് രാവിലെ 7.ന് ദിവ്യബലിക്ക് വികാരി ഫാ.ജയ്സൺ കൊളുത്തുവള്ളി കാർമികനാകും. വൈകിട്ട് 5 ന് തിരുനാൾ കുർബാനയ്ക്ക് ഫാ.സജി കണ്ണാപറമ്പൻ മുഖ്യ കാർമികത്വം വഹിക്കും. ഫാ.റോബിൻ ചിറ്റൂപ്പറമ്പിൽ തിരുനാൾ സന്ദേശം നൽകും. തുടർന്ന് പ്രദക്ഷിണം. 3 ന് രാവിലെ 6.30 ന് മരിച്ചവർക്കു വേണ്ടിയുള്ള ദിവ്യബലി, തിരുക്കർമങ്ങളെ തുടർന്ന് കൊടിയിറക്കും.

Tags:

വെച്ചൂർ അച്ചിനകം പള്ളിയിൽ തിരുനാളിന് നാളെ ( ഫെബ്രുവരി 27) കൊടിയേറും.

More in Related News