വയലാർ സ്മൃതി കാവ്യസന്ധ്യ ശനിയാഴ്ച സോഹാറിൽ അരങ്ങേറും

സൊഹാർ: സൊഹാർ ലിറ്റററി ഫോറത്തിന്റെ ആദ്യത്തെ മെഗാ സാംസ്കാരിക പരിപാടിയായ ‘വയലാർസ്മൃതി കാവ്യസന്ധ്യ’ ശനിയാഴ്ച സോഹാർ പാം ഗാർഡൻ ക്ലാസിക് വില്ലാ ഹാളിൽ അരങ്ങേറും. വിപുലമായ പരിപാടിയുടെ ഒരുക്കങ്ങൾ എല്ലാം പൂർത്തിയായതായി സംഘാടകർ അറിയിച്ചു.

കാവ്യസന്ധ്യ ചടങ്ങിന്റെ മുഖ്യാതിഥിയായി വയലാറിന്റെ മകനും പ്രശസ്ത മലയാള ഗാനരചയിതാവും കവിയുമായ വയലാർ ശരത്ചന്ദ്ര വർമ്മ പങ്കെടുക്കും. അന്നേദിവസം നടക്കുന്ന സാംസ്‌കാരിക സമ്മേളനത്തിൽ സാഹിത്യത്തിനുള്ള സമഗ്ര സംഭാവനയ്ക്ക് സൊഹാർ ലിറ്റററി ഫോറം നൽകുന്ന പ്രഥമ ‘സുവർണ്ണ തൂലികാ’ പുരസ്‌കാരം അദ്ദേഹത്തിന് സമ്മാനിക്കും.

ചന്തു മിറോഷ്ന്റെ ഇടയ്ക്കയുടെ പശ്ചാത്തലത്തിൽ വയലാർ കവിതാ പാരായണ മത്സരവും, അനുബന്ധ നൃത്തശില്പങ്ങളുമാണ് മറ്റു മുഖ്യ പരിപാടിയെന്ന് ലിറ്റററി ഫോറം പ്രസിഡന്റ് കെ.ആർ.പി. വള്ളികുന്നം പറഞ്ഞു.

അമ്പത് വർഷങ്ങൾ കഴിഞ്ഞിട്ടും വയലാറിന്റെ വരികളിലെ മാധുര്യം ഇന്നും അതേ തീവ്രതയിൽ ഒരു ഗൃഹാതുരമായി മലയാളിമനസ്സിൽ നിലനിൽക്കുന്നതിന്റെ സ്നേഹഭരിതമായ ഓർമപ്പെടുത്തലാണ് ഈ സ്മരണാഞ്ജലിയെന്ന് ലിറ്റററി ഫോറം പ്രവർത്തകർ പറഞ്ഞു. ശനിയാഴ്ച ഉച്ചക്ക് 3.30 ന് പരിപാടി ആരംഭിക്കും പ്രവേശനം സൗജന്യമായിരിക്കും.

റിപ്പോർട്ട്: റഫീഖ് പറമ്പത്ത്

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Vayalar Smriti Kavya Sandhya to debut in Sohar on Saturday