Thiruvambadi Mandal, Mukkam Municipality, Sub-District Entry Festivals Colorful '

മുക്കം:തിരുവമ്പാടി നിയോജകമണ്ഡലം, മുക്കം നഗരസഭ, മുക്കം ഉപജില്ല തലത്തിലുള്ള പ്രവേശനോത്സവം വിവിധപരിപാടികളോട മുത്തേരി ഗവ.യു.പി. സ്കൂളിൽ ലിൻ്റോ ജോസഫ് എം.എൽ.എ. ഉദ്ഘാടനം ചെയ്തു. പൊതുവിദ്യാലയങ്ങളുടെ വർധിച്ചു വരുന്ന പ്രസക്തിയും പ്രാധാന്യവും അവ നിലനിർത്തേണ്ടതിൻ്റെ ആവശ്യകതയും അദ്ദേഹം ഉദ്ഘാടനപ്രസംഗത്തിൽ ഊന്നിപ്പറഞ്ഞു. നഗരസഭാ ചെയർമാൻ പി.ടി. ബാബു അധ്യക്ഷനായി. ഉപജില്ലാ വിദ്യാഭ്യാസ ഓഫീസർ ദീപ്തി പ്രവേശനോത്സവ സന്ദേശം നൽകി. വിദ്യാഭ്യാസ സ്ഥിരംസമിതി ചെയർമാൻ ഇ സത്യനാരായണൻ സ്വാഗതമാശംസിച്ചു. SSK പ്രോഗ്രാം ഓഫീസർ അജയൻ, ബി.പി സി. പി കെ. മനോജ് കുമാർ, ആരോഗ്യ സ്ഥിരം സമിതി അധ്യക്ഷ പ്രജിത പ്രദീപ്, കൗൺസിലർമാരായ എ. കല്യാണിക്കുട്ടി, അശ്വതി സനൂജ് , മധുമാസ്റ്റർ, പി.ടി.എ. പ്രസിഡൻ്റ് ശിവദാസൻ,വിവിധ രാഷ്ട്രീയ പാർടി പ്രതിനിധികൾ ചന്ദ്രൻ പൂൽപ്പറമ്പിൽ, എ.എം അബുബക്കർ ഗോൾഡൻ ബഷീർ, പ്രേമൻ മുത്തേരി, പ്രധാനാധ്യാപകൻ അഷ്റഫ്, രാധാകൃഷ്ണൻ എന്നിവർ ആശംസയറിയിച്ചു സംസാരിച്ചു സ്റ്റേറ്റ് റിസോഴ് സ്പേഴ്‌സൻ ഹാഷിദ് കുട്ടികളുമായി സംവദിച്ചു. പുതുതായി പ്രവേശനം നേടിയ കുട്ടികൾക്കുള്ള നഗരസഭയുടെ പഠനോപകരണങ്ങൾ എം.എൽ.എ.വിതരണം ചെയ്തു ചെണ്ട മേളങ്ങളുടെ അകമ്പടിയോടെയാണ് പുതിയ കുട്ടികളെ വരവേറ്റത്. തുടർന്നു കുട്ടികളുടെ കലാപരിപാടികളും അരങ്ങേറി രക്ഷിതാക്കൾക്കുള ക്ലാസും നടത്തി..

Tags:

enlightmedia,malayalamnews,kerala,latestnews