The Feast Day of Saint Mary of Thrace; Tomorrow Begins the Five-Day Meeting

മാള: കുഴിക്കാട്ടുശ്ശേരി വിശുദ്ധ മറിയം ത്രേസ്യ - ധന്യൽ ഫാ. ജോസഫ് വിതയത്തിൽ തീർത്ഥാടന കേന്ദ്രത്തിൽ വിശുദ്ധയുടെ തിരുനാളിനോട് അനുബന്ധിച്ച് നടത്തുന്ന പഞ്ചദിന സംഗമത്തിന് നാളെ തുടക്കം. പഞ്ചക്ഷത ധാരിയായ വിശുദ്ധ മറിയം ത്രേസ്യയോടൊപ്പം പഞ്ചദിന സംഗമം എന്ന ആഹ്വാനത്തോടെ ക്രമീകരിച്ചിരിക്കുന്ന സംഗമങ്ങളിൽ നാളെ ഉച്ചക്ക് 2.45 മുതൽ വൈകിട്ട് ആറ് വരെ ഗായക സംഗമവും സംഘഗാനം മത്സരവും നടക്കും. നാളെ യുവജന സംഗമത്തിൽ സി.എൽ.സി, കെ.സി.വൈ.എം., ഡി.വൈ.എം., ജീസസ് യൂത്ത് അംഗങ്ങൾ പങ്കെടുക്കും. മൂന്നിന് ദമ്പതികൾ, മാതാപിതാക്കൾ, ഹോളി ഫാമിലി ലേ അസോസിയേഷൻ അംഗങ്ങൾ പങ്കെടുക്കുന്ന കുടുംബ സംഗമം. നാലിന് വിവിധ ഇടവകകളിൽ നിന്നുള്ള അമ്മമാരും മാതൃവേദി അംഗങ്ങളും പങ്കെടുക്കുന്ന മാതൃ സംഗമം. അഞ്ചിന് സ്കൂൾ വിദ്യാർത്ഥികൾ, തിരുപാലസഖ്യം, അൾത്താര ബാലന്മാർ, എയ്ഞ്ചൽ ഗ്രൂപ്പ് തുടങ്ങിയവർ പങ്കെടുക്കുന്ന വിദ്യാർത്ഥി സംഗമം എന്നിവ നടക്കും. നാളെ മുതൽ നാലു വരെ ദിവസവും ഉച്ചതിരിഞ്ഞ് 2. 45 മുതൽ വൈകിട്ട് ആറു വരെയാണ് സംഗമം. അഞ്ചിന് ഉച്ചയ്ക്ക് 1. 15 മുതൽ ഉച്ചതിരിഞ്ഞ് 3. 30 വരെയും പരിപാടികൾ നടക്കും. ജൂൺ എട്ടിന് നടക്കുന്ന പ്രധാന തിരുനാളിന് ഒരുക്കമായുള്ള നവനാൾ ശുശ്രൂഷകൾ ദിവസവും രാവിലെ 10. 30 നും വൈകിട്ട് ആറിനും നടന്നുവരുന്നു.

Tags:

വിശുദ്ധ മറിയം ത്രേസ്യയുടെ തിരുനാൾ; പഞ്ചദിന സംഗമത്തിന് നാളെ തുടക്കം enlightmedia,malayalamnews,kerala,latestnews