വെള്ളൂരിൽ നിരവധി മോഷണകേസ്സിലെ പ്രതിയെ നാട്ടുകാരും പോലീസും ചേർന്ന് പിടികൂടി.

29 Nov 2024 15:34 IST

Share News :

The accused in many theft cases in Vellore was apprehended by the locals and the police.

വൈക്കം: കഴിഞ്ഞ രാത്രിയിൽ മോഷണശ്രമം നടത്തുന്നതിനിടെ വീട്ടുകാർ ഉണർന്നതിനെ തുടർന്ന് ഓടി രക്ഷപ്പെട്ട നിരവധി മോഷണകേസ്സിലെ പ്രതിയെ നാട്ടുകാരും പോലീസും ചേർന്ന് നടത്തിയ തിരച്ചിലിൽ പിടികൂടി. കന്യാകുമാരി മൻകോട് സ്വദേശി എഡ്വിൻ ജോസ് (45) നെയാണ് വെള്ളിയാഴ്ച രാവിലെ 11.30 ഓടെ പടിഞ്ഞാറ്റുകാവ് ക്ഷേത്രത്തിന് സമീപത്ത് നിന്നും പിടികൂടിയത്. ഇയാൾ ഇന്ന് രാവിലെ റെയിൽവേ സ്റ്റേഷനിൽ ഇരിക്കുന്ന സമയത്ത് പോലീസ് പരിശോധന നടക്കുന്നത് കണ്ടതോടെ അവിടെ നിന്നും ഓടി രക്ഷപ്പെടുകയായിരുന്നു.ഇയാളുടെ ബാഗിൽ നിന്നും വാതിലുകളും പൂട്ടും തുറക്കുന്ന ആയുധങ്ങൾ ഉൾപ്പടെ കണ്ടെത്തിയിട്ടുണ്ട്. ഓടി രക്ഷപ്പെട്ട ഇയാൾ തുടർന്ന് അടിപ്പാതയ്ക്ക് സമീപമുള്ള വീട്ടിൽ കയറുന്നതിനിടെ നാട്ടുകാരാണ് പിടികൂടിയത്.തുടർന്ന് പോലീസ് എത്തി ഇയാളെ സ്റ്റേഷനിലേക്ക് കൊണ്ടു പോകുകയായിരുന്നു.ഇയാൾക്ക് ഏറ്റുമാനൂർ, കായംകുളം, കോട്ടയം ഈസ്റ്റ് തുടങ്ങി വിവിധ സ്റ്റേഷനുകളിൽ നിരവധി മോഷണക്കേസ്സുകൾ ഉണ്ടെന്ന് പോലീസ്‌ പറഞ്ഞു. റെയിൽവേ സ്റ്റേഷനു സമീപം ഇറങ്ങി പരിസരത്ത് മോഷണം നടത്തി ട്രെയിനിൽ അടുത്ത സ്ഥലത്ത് മോഷണത്തിനായി പോകുകയാണ് ഇയാളുടെ രീതിയെന്ന് പോലിസ് പറഞ്ഞു. പ്രതിയെ കോടതിയിൽ ഹാജരാക്കും.

Tags:

വെള്ളൂരിൽ നിരവധി മോഷണകേസ്സിലെ പ്രതിയെ നാട്ടുകാരും പോലീസും ചേർന്ന് പിടികൂടി. വൈക്കം വാർത്ത