Thayolaparamba Tirupur Sreekrishnaswamy Temple Thiruvuthu Festival will be held from November 29 to December 6. Famous daytime on December 5.

തലയോലപ്പറമ്പ് തിരുപുരം ശ്രീകൃഷ്‌ണസ്വാമി ക്ഷേത്രത്തിലെ തിരുവുത്സവം നവംബർ 29 മുതൽ ഡിസംബർ 6 വരെ നടക്കും. ഡിസംബർ 5ന് പ്രസിദ്ധമായ പകൽപ്പൂരം.

27 Oct 2024 22:02 IST

Share News :

Thayolaparamba Tirupur Sreekrishnaswamy Temple Thiruvuthu Festival will be held from November 29 to December 6. Famous daytime on December 5.

തലയോലപ്പറമ്പ്: തിരുപുരം ശ്രീകൃഷ്‌ണസ്വാമി ക്ഷേത്രത്തിലെ തിരുവുത്സവം നവംബർ 29 മുതൽ ഡിസംബർ 6 വരെ നടക്കും. ഉത്സവത്തിൻ്റെ കൂപ്പൺ ഉദ്ഘാടനം നടന്നു. ക്ഷേത്രോപദേശ സമിതി പ്രസിഡൻ്റ് ബി.അജിത്ത് അരവിന്ദാക്ഷൻ നായർക്ക് നൽകി ഉദ്ഘാടനം നിർവ്വഹിച്ചു. ക്ഷേത്രം മേൽശാന്തി ബാബു നമ്പൂതിരി,ക്ഷേത്രോപദേശ സമിതി ഭാരവാഹികൾ, ഭക്തജനങ്ങൾ തുടങ്ങിയവർ ചടങ്ങിൽ പങ്കെടുത്തു. നവംബർ29 ന് രാവിലെ 9.30 നും 10.30നും മധ്യേ ക്ഷേത്രം തന്ത്രി മനയത്താറ്റില്ലത്ത് ചന്ദ്രശേഖരൻ നമ്പൂതിരിയുടെ മുഖ്യകാർമ്മികത്വത്തിൽ ഉത്സവത്തിന് തൃക്കൊടിയേറും. ഡിസംബർ 4ന് വൈകിട്ട് 7ന് കൊച്ചിൻ കലാഭവൻ അവതരിപ്പിക്കുന്ന സൂപ്പർ ഹിറ്റ് ഗാനമേള.5ന് വൈകിട്ട് 4ന് 15 ഗജവീരന്മാർ അണിനിരക്കുന്ന പ്രസിദ്ധമായ തിരുപുരം പകൽ പൂരം. ഗുരുവായൂർ ഇന്ദ്രസെൻ തിരുപുരത്തപ്പൻ്റെ തിടമ്പേറ്റും. പെരുവനം സതീശൻ മാരാരുടെ പ്രാമാണിത്വത്തിൽ 80 -ൽപ്പരം വാദ്യ കാലാകാരാന്മാർ അണിനിരക്കുന്ന പാണ്ടിമേളം, കുടമാറ്റം, മയിലാട്ടം എന്നിവ നടക്കും. 6 ന് വൈകിട്ട് 5.30ന് ആറാട്ട് പുറപ്പാട് 7ന് മിഠായിക്കുന്നം അയ്യൻ കോവിൽ ക്ഷേത്രക്കുളത്തിൽ ആറാട്ട്. രാത്രി 9.15ന് ആറാട്ട് എതിരേൽപ്പ്. ചോറ്റാനിക്കര സുഭാഷ് നാരായണ മാരാരുടെ പഞ്ചവാദ്യം അകമ്പടിയേകും. രാത്രി 12 ന് ക്ഷേത്രത്തിൽ ഇറക്കിപ്പൂജ എന്നിവയാണ് പ്രധാന ഉത്സവ ചടങ്ങുകൾ.